Coco, Onyok, Awra, Susan wagi sa ALTA Media Icon Awards

Maja kabogera, laging trending sa Wildflower

Bandera - - FRONT PAGE -

PANIBAGONG testimonya ang babago sa takbo ng misyon ni Cardo Dalisay (Coco Martin) ngayong malalaman na ng asawang si Alyana (Yassi Pressman) na buhay pa siya sa pagpapatuloy ng FPJ’s Ang Probinsyano.

Upang protektahan ang misyon ni Cardo, inihayag sa publiko ng kasamahan niyang sina Gerry (Ejay Falcon )at Katrina (Louise delos Reyes) na siya ay pumanaw na matapos mabaril ng mga rebelde. Ngunit panibagong pag-asa ang natanaw ni Alyana nang makita niya ang asawa sa engkwentro ng SAF at mga rebelde sa isang ospital sa Mt. Karagao.

Agad namang nakarating ang balita kay Dir. Renato Hipolito (John Arcilla) kaya naman muli itong gagawa ng mga hakbang upang tuluyan nang tapusin ang buhay ni Cardo at hindi na mabuking pa ang koneksyon niya sa mga miyembro ng Pulang Araw at ang kanyang mga plano upang makamit ang mga ambisyon.

Oras na nga ba upang magkitang muli sina Cardo at Alyana? Ano naman kaya ang gagawin ni Renato upang maprotektahan ang kanyang mga sikreto?

Samantala, humakot naman ng ilang parangal ang cast ng FPJ’s Ang Probinsyano sa ALTA Media Icon Awards ng University of Perpetual HelpLas Piñas para sa kanilang mahusay na pagganap sa telebisyon at pelikula.

Kinilala bilang Iconic Media Personality for Film and Broadcast ang movie queen na si Susan Roces para sa kanyang hindi matatawarang kontribusyon sa pelikula at telebisyon.

Ginawaran namang Best Drama Actor for TV ang bida ng serye si Coco. Kabilang din sa mga binigyang karangalan sina Simon “Onyok” Pineda (Best Child Performer for Film), Awra Briguela (Best Child Actor for TV) at Ronwaldo Martin (Most Promising Actor for Independent Film).

Huwag palampasin ang mas maaaksyon pang tagpo sa nangungunang serye sa bansa na FPJ’s Ang Probinsyano, gabigabi sa ABS-CBN at ABSCBN HD (SkyCable ch 167).

Kasabay ng pasabog na pagbabalik ni Maja Salvador bilang si Lily Cruz sa seryeng Wildflower ay ang pasabog rin na ratings na natamo ng episode noong Lunes dahil pumalo ito sa panibago nitong all-time high national TV rating na 33.8% base sa datos ng Kantar Media.

Talaga namang tinutukan ng sambayanan ang paglantad ni Lily Cruz sa mga Ardiente matapos ang matagal na pagkubli sa katauhan ni Ivy Aguas.

Trending sa Twitter hindi lang nationwide, kung hindi pati na rin worldwide, ang agaw eksenang entrada ni Lily suot ang gold na gown at may resbak pang armadong mga kalalakihan. Hindi pa natapos ang pangangabog ni Lily dahil nagbitaw rin ito ng matatalas na salita kontra sa mga Ardiente kasama na ang pinag-usapan niyang linya na "Black is out. Gold is in. And just like gold, I am indestructible!” Ngayong nagbalik na muli si Lily Cruz, paano kaya haharapin ng mga Ardiente ang kanyang paghihiganti? Huwag palalampasin ang Wildflower, bago mag-TV Patrol sa ABSCBN.

YASSI PRESSMAN AT COCO MARTIN

MAJA SALVADOR

Newspapers in Tagalog

Newspapers from Philippines

© PressReader. All rights reserved.