Tips

Tarabay iti Pagtaengan, Salun-at ken Dadduma Pay

Bannawag - - Itoy A Bilang - Inurnong ni ELIZABETH M. RAQUEL

Edgar.

“Iti maysa a hotel a kalalatakan dita!” imbugkaw ti heneral. “Dimo kadi makita ti nakadakdakkel a naganna?”

“S-sorry, sir...” Nakabudbuddak nga agpayso ti nagan ti hotel iti ladawan.

“Addada laeng nga agwarangwarang dita, diyo pay makita ida? Dimo kayat a sawen a nagkupasen ti laingmo?”

Napatilmon ni Edgar. Nasaktan iti kinuna ti boss-na. Iti kaano man, dina kayat a mangngeg dayta.

“Dikay’ madanagan, sir... Ipaknimi ida iti kabiitan a panawen. Agtignaykami ita met laeng, sir.”

“Inton sumuno nga aldawen ti yuumay ti Presidente dita. Masapul a maipakniyon ida sakbay dayta nga aldaw, nalawag?”

“Wen, sir. Pakaammuandakayo a dagus iti ania man a mapasamak.”

“Siguraduem... ta amangan no dakayo laengen ti papapatayko kadagiti soldadok.”

Nagmaga ti karabukob ni Edgar. “Sigurado, sir.”

“Room 300 ti kuartoda. Agkutikayon!” kinuna ti heneral ket naputolen ti linia.

Mangarkaremkem ni Edgar iti rurodna. Wenno bainna ngata ta ti pay boss-na ti makaammo iti yan da Daniel ken ni Jerky?

Nagsukat sa nagturong iti kuarto dagiti taona. Nakapigpigsa ti panangkatokna iti ridaw ket nakaparpardas dagitoy a nangilukat.

“Agsaganakayo,” kinunana, “adda napateg nga aramidentayo.” N AISEM ti babai a teller iti likud ti sarming nga inasitgan ni John apaman a nadanon ti batangna. “Good morning, sir,” kinuna ti babai. “Good morning,” insubad met ni John. Inyawatna ti withdrawal slip a pinil-apanna itay.

Kinita ti babai ti withdrawal slip. Napukaw a dagus ti isemna ken nabukirad dagiti matana apaman a nakitana ti gatad nga iruar ni John.

“Do you want me to sign it?” sinaludsod ni John.

“Kayatyo kadi a sawen, sir... ten million pesos... wenno ten thousand pesos?” sinaludsod ti teller. “Pakiulityo...” induron ti teller ti papel sa innayonna, “Inton malpasyo, uray saankayonton a makipila. Agderetsokayton kaniak tapno saankayo nga aguray iti mabayag.”

Immisem ni John. Induronna nga insubli ti papel. “Husto dayta,” kinunana. “Ten million.”

Nagmulagat ti teller. Kinitana manen ni John. Kasla saan a mamati. Madamdama pay, adda tinalmeganna, a nakiriring, sa

kinunana, “Manager’s assistance at window number two, please...” “Adda kadi problema, miss?” sinaludsod ni John. “I’ll let you talk to the manager, sir,” insungbat ti teller a nagpormalen.

Madamdama laeng, dimteng ti panglakayen metten a manedier, kas ipaneknek ti nametag a naka-pin iti jacket-na. Nagsaritada iti teller. Kinita daytoy withdrawal slip. Nagtungtung-ed daytoy. Kalpasanna, sinangona ni John ket kinunana, “Need you to come to my office, Mr. Villa.”

Sinurot ni John ti manedier. Nabati ni Ricky iti lobby. Indiaya ti manedier ti panagtugaw ni John. Pormal nga agsao ken nagingles.

“I would rather not, sir,” kinuna ni John ket nagtalinaed a sitatakder. “Agal-alistoak.”

“You know we can’t give you ten million pesos...” naisem latta ti manedier. “And why not?” “It’s just so big of an amount, sir... there are so much things that we have to verify and reverify, and one day is not just enough. And I’m afraid that we can’t accomodate your request, Mr. Villa.”

“I really need that money, Mister...” kinita ni John ti nametag ti lalaki, “Mr. Lacson. It’s a matter of life and death.” Nagmalanga ti lakay. “Sorry, Mr Villa...” “Sir, I need you to go to your computer... and I need you to verify something for me. Go on and check that account number...”

Nagwingiwing ngem umis-isem latta ti lakay. “I told you, Mr. Villa... it’s not possible...”

“Mr. Lacson, I’m telling you again, this is a matter between life and death. I need you to check that account in your computer, please...” tumangtangkenen ti boses ni John. Bumudbuddak iti panunotna ti langa ni Glory a parparigaten dagiti kidnaper. Saan latta a dumngeg ti lakay. “And I’m telling you again, Mr. Lacson, check it... And that is not even a request anymore. It is an order.”

Nagkuretret ti muging ti lakay. “Pangpangtaannak kadi, Mr. Villa? Mabalinko nga ibilin iti guardia ti puersado a panangpapanawna kenka.”

Inlukaisna ti polo shirt-na ket impakitana ti paltogna. Nalaka laeng itay ti panangiserrekda ken Ricky kadagiti armasda ta saan a naiget ti seguridad ti banko. “This is a 9mm with a hollow point bullet, Mr. Lacson. That would be enough to kill you instantly...”

Nagmalanga ti lakay a manedier. Napunasen ti iiseman daytoy. Madlawen ti butengna.

“And can you see that Mexican guy sitting in the lobby? He has also a gun more powerful than what I have. And if we have to rob this bank to get that ten million, we will do it. Do I make myself clear, Mr. Lacson?” Nabessagen ti lakay. “Now, all I’m asking you is to check that account number...” Ingguyod ti lakay ti keyboard. Linukatanna ti desktop-na. Intipana ti password-na sa naguray. Ginuyodna ti withdrawal slip nga ig-iggamanna itay. Intipana ti numero ti account a nakasurat iti withdrawal slip. Naguray.

“Kayatko laeng nga ibaga a saankami a managdakdakes, Mr. Lacson,” kinuna ni John. “Masapulko laeng a talaga ti kuarta.”

Saan a nagtagtagari ti lakay. Basta agur-uray latta iti pannakalukat ti account nga intipana iti computer. Ket uray la a nakadakdakkel dagiti matana a nangmira iti nagparang iti monitor. Tinangadna ni John ngem saan a nagun-uni daytoy.

Inlukatna ti drawer ti lamisaanna. Maysa a bassit a digital box ti nagparang. Adda numero nga impis-it ti manedier ket naglukat

daytoy. Innalana ti maysa a bassit a tarheta. Binasana sa adda intipana iti keyboard ket naguray manen ti lakay.

Madukotanen ni John. Kinitana ti oras. Tallopulo a minuto laengen sakbay nga umawag ti kidnaper. N AKATALTALNA da Daniel ken Jerky nga agbuybuya iti TV nupay addan pannakaumada. Awanen ti sabali a linaon ti TV no di dagiti riribuk ken demontrasion iti Manila, ti dandanin pannakaparalisa ti transportasion iti siudad. Ti agtultuloy a pannakaiparang dagiti ladawanda ta bareng kano adda makalasin kadakuada.

Ngem awan pay ti nakaitudo kadakuada. Talaga a narigat a malasin ti kinaasinoda kadagiti ladawan a maipakpakita. Malaksid ngata kadagiti asideg a gagayyemda ken dagiti masansan a makapulpulapolda, awan makabigbig kadakuada.

Ngem asinoda kadi laeng a makaam-ammo kadakuada? Sumagmamanoda laeng. Ni Gen. Miguel, ni Edgar ken dagiti taona ken ti asawana. Asino man kadagitoy, awan ti makaitured a mangipulong kadakuada kadagiti pannakabagi ti linteg ta isuda laeng ti madaksan.

Ket ti ngata asawana? Dakkel ti awis ti maigunggona a lima a milion iti asino man a makaitudo iti yanda. Naputed ti panagpampanunotna idi matoktok ti ridaw. “Room service,” inyawag ti adda iti ridaw. Iti uneg ti kuarto ti pangpangananda. Dida kayat ti agwalangwalang iti restauran. Agingga nga awan ti nasken nga aramidenda iti ruar, kaykayatdan ti agpupok iti kuarto pangururayanda iti pammilin manipud ken ni John.

Nagturong ni Jerky iti ridaw. Uray no ammoda a talaga a room service, nasken a siripenna ti peep hole tapno makasiguradoda a dagiti agtrabaho iti restauran ti adda iti ruar. Nalasin a dagus ni Jerky ti lalaki ket inlukatna ti ridaw.

Nakais-isem ti lalaki a nangiduron iti cart iti uneg ti kuarto. “Adda pay kayatyo nga orderen, sir?” sinaludsod daytoy.

“Okey daytoyen,” kinuna ni Jerky. Kinautna ti bolsana ket inyawatanna iti tip ti lalaki. Napalaus ti isem daytoy idi makitana ti sangagasut a pisos. Nagyaman sa rimmuaren iti kuarto. Inrikepna iti ridaw apaman a nakaruar.

Linukatan ni Jerky dagiti nakaluban a potahe. Pansit, adobo, bagnet, ken pinakbet. Nagsaraaw iti pannakaangotna kadagitoy. Nakaparpardas met a bimmangon ni Daniel. Saan payen a napan nagbuggo. Ginammatanna ti kutsara ken tenedor ket nangtakalen iti innapuy ken sida. “Aglukmegta no kastoy,” kinuna ni Daniel. Immisem ni Jerky. “Ania pay. Panganta a pangan, awan met watwatta.”

“Imasem ti agbiag ita sibibiagta pay. Dita ammo no sibibiagtanto pay no bigat,” kinuna ni Daniel a simmubo iti nakadakdakkel ti iwana a bagnet. Ngem naisardengna ti naggalgal iti matoktok manen ti ridaw. Dandani naggiddanda ken Jerky a timmaliaw iti ridaw. “Room service....” Nagkinnita dagiti aggayyem. Ken kasla naggiddanda a nangtilmon kadagiti nagyan ti ngiwatda. Apay nga agsaruno ti room service? Sabali ti nagparikna kadakuada. Agpadada a nanggammat kadagiti paltogda. Natoktok manen ti ridaw. “Room service...” Nagin-inayad ni Daniel a nagturong iti ridaw. Naikasan ti paltogna.

Simmirip iti peep hole. Lima a lallaki ti adda iti ridaw. Nakaiggemda amin iti paltog! Ken ni Edgar ti adda iti likud!

Newspapers in Tagalog

Newspapers from Philippines

© PressReader. All rights reserved.