Sisusugat nga Agsapa

Bannawag - - Itoy A Bilang - Linda T. Lingbaoan

Kasla layap nga umagibas ti gilap ti napalabas nga apuy iti rabii a mangsiram iti rimat ti ubing pay nga init. Agdildilpat ti uleg iti suli A kas man napnek unay iti nasiblokanna a manok iti sardam. Agur-urok ni ama itan ta nakabuelo iti ridepna a di agsisilpo. Nakamulagat ni ina a mangmirmira iti nalidem a bobeda. Naatap ti ridep iti panunot a sisusugat A dinuyok ti sarming a bettak. Kasla rueda ti panagtayyek ti nakulkol nga utek. Idinto nga iti talinaay ti sumirip koman a lawag adda gurruod nga agbalballaag. Apay ngata a nasipnget ti kayanak nga agsapa A kas man makipagrikna iti langit nga aglulua? --LINDA T. LINGBAOAN

Newspapers in Tagalog

Newspapers from Philippines

© PressReader. All rights reserved.