Eskursion iti Igid ti Baybay ti Aringay Ria Rebolledo

Bannawag - - Itoy A Bilang - --RIA REBOLLEDO

No agnaedka iti apagbiit iti sidong ni talna, maamirismo ti maysa a burburtia a nakalemmeng iti ballasiw ti lumlumnek nga init. Apagbiit laeng a mariparmo a kas kadagiti pasamak a mamatmatam iti likudan ti naingpis a kortina. Adda idiay. Kasla nalit-aw a tagtagainep a saanmo a malagip; isem ti pagayam a dimo pay nasabsabat. Nakatakderka ngamin iti kursada ti nakem, iti nagbedngan ti pannaturog ken panagriing, ket maawatamon, no kua, nga awan nagsabalian ti panagsangpet ken panagpakada. Adda idiay ti banag a dimo makita. Mangngegmo ti angin-baybay nga agar-arasaas iti saanmo a matarusan a lengguahe, yar-arasaasna dagiti istoria ti kaadda. Adda idiay, nadalungdongan iti labes ti lubong, iti nagsabtan ti taaw ken tangatang, namarisan iti riniwriw a sardam, burburtia nga agparparang no agnaedka iti apagbiit iti sidong ni talna.

Newspapers in Tagalog

Newspapers from Philippines

© PressReader. All rights reserved.