Daniw a Para Ubbing Johmar R. Alvarez

Uppat a Daniw

Bannawag - - Itoy A Bilang - Ni JOHMAR R. ALVAREZ

Adal

Agbasaak tapno lumaingak Darepdepko ditoy a maragpat Anag ti biag maaddaanak Lawag ti namnamak iti rigat.

Biag

Binulodko ken ni Apo Isublikto no maungpotko Aywanak bayat panagbiagko Gunggonak iti ipupusayko.

Kayo

Kayo nga immulak iti paraangan Agbunga iti naimas a masaramsam Yegna pay ti linong a paginanaan Oras ti siesta kalpasan ti pannangan.

Daga

Daga a nagtaudan, nakamulian Agserbi a naed ti sangaparsuaan Gapuna nga innak saluadan Agsubliakto kenkuana siyayaman.

Newspapers in Tagalog

Newspapers from Philippines

© PressReader. All rights reserved.