Daniw a Para Ubbing Delfin P. Dumayas

Uppat a Daniw

Pusa

Adda pusak a bassit Agsidsida iti siit Nalaing nga agtiliw iti alutiit Ngem kabutengna ti marabutit.

Aso

Adda asok a puraw No agtaul, umanaw-aw Agbambantay ditoy balay Kagatenna ti umay agtakaw.

Kalapati

Adut’ kalapati ni manongko Agap-aponda iti kaimito No tumayabda, nakangatngato Kasda la eroplano.

Kawitan

Adda manokmi a kawitan Nakadakdakkel a tapingaran Ngem no agtaraok, agpaparaw Katkatawaan dagiti pamusian!