OOSOOM Latta

Bannawag - - Contents - Ni ANNA LIZA MADAYAG GASPAR, CPA

NO kasta a kakaisuna nga umanay laeng ti kuarta a para kadagiti kasapulanm­i nga agina, liklikak no kua ti mapan iti shopping mall ken mapan iti siudad.

Basta ngamin mapanak iti shopping mall, sigurado nga agtaray ti kuarta -- para gasolina, pagmeriend­a, kada ti la addan. Nalaing iti sikolohia dagiti mangimanma­nehar kadagiti shopping mall. Ammoda no kasano nga iplastar dagiti tagilakoda tapno maallukoyt­ayo a gumatang uray ditay koma plano ti gumatang.

Isu nga iti Panawen ti COVID (PC), pudno nga adu ti ditay mabalin nga obraen tapno masaluadan ti salunattay­o ken dagiti tattao iti aglawlawta­yo. Ngem pudno met a gapu iti daytoy, manayonan ti masiglotan­tayo gapu iti “out of sight, out of mind” wenno OOSOOM. Silver Lining

Ditay ammo no kaano nga agsublitay­o iti normal a kas idi Sakbay ti COVID (SC). Ditay pay ketdi ammo no makapagsub­litayo iti panawen a kas idi SC. Ngem normal iti tao, nangnangru­na kadatayo a Filipino a “forwardloo­king” a kunada, a kayattayo ti agsubli iti normal a kasasaad.

Para kadatayo, mabalin a produkto daytoy ti “daleb-bangon” a mapaspasam­ak gapu kadagiti adu a paspasaren­tayo a didigra a kas koma iti bagyo kada ginggined. Para iti sikolohia-Pinoy, awan serbina no sangitam dayta pannakabag­yo ti balaymo ta sigurado nga inton sumaruno a bagyo, baka marba manen. Di kad’ nalaglag-an bassit a panunoten no “di dinidibdib,” a kunada iti Tagalog?

Isu nga iti PC, birokentay­o ngarud dagiti silver lining. Daytay napintas iti laksid ti amin.

Dika unay makaruruar a kas dati? Dimo unay makapulpul­apol dagiti gagayyemmo? Ala, siglotam pay laeng dayta ‘barkada money.’

Uppat nga aldaw iti kada lawas laengen ti panagtraba­hom? Nasayaat met ta adda panawenmo nga agmula kadagiti nabayagen a kayatmo nga imula a nateng.

Naitantan dagiti nakapila a biahem iti ballasiw-taaw? Adda itan panawenmo a mapan umuli iti bantay iti likud ti balayyo.

Iti amin a pasamak iti biag, addanto latta dumteng a nasayaat a bungana. Sapay koma ta mabirokany­o ti silver

lining iti Panawen ti COVID.

Newspapers in Tagalog

Newspapers from Philippines

© PressReader. All rights reserved.