PEPE HERRERA:

Usa ka Talentado nga Alagad sa Arte

Bisaya - - Cover Story -

SA mga artista karon, si Pepe Herrera ang usa sa daghag talent nga alagad sa arte. Nagsugod siya niadtong 2014 isip stage actor ug sukad niadto, nailhan siyag maayo isip talented actor sa nagkalainlaing papel nga iyang gidala.

Sa pagsulod niya sa TV series nga FPJ’s Ang Probinsyano niadtong 2014, mitublawg maayo ang nga’n ni Pepe isip side kick sa bida niining si Coco Martin. Apan gawas sa pagka aktor sa TV, entablado ug pelikula, magkantahan usab siya. Gani, ang banda nila nga taudtaod nang nagpakahilom hinay-hinay nilang gibuhi. Plano nila karon nga magrekord og mga kanta ugma damlag.

Tingali, wa sad masayri sa kadaghanan nga usa usab ka maestro si Pepe ug sa wa pa siya mosulod sa pagartista, nahimo usab siyang seaman.

Maoy hinubay ni Pepe nga nadiskobre siya nila ni Mr. M., Ms. Charo Santos ug Direk Loren Dyogi nga nakatan-aw sa Rak of Aegis. Gikontak siya niadto sa sekretarya ni Ms. Charo, diin giimbitar siya alang sa usa ka interbiyo.

Ug human sa pipila ka adlaw, giimbitar nila ang aktor aron mahimong kabahin sa Star Magic. Unya paglabay sa laing pipila ka adlaw, gitawgan siya ug gipaapil sa Forevermore.

Niadto, nagtudlo pa siya og Multiple Intelligence sa Grade 7 to Grade 12 sa International School. Mao nga nangita siya niadto og kahulip nga mahimong motrabaho sa iyang mga buluhaton aron lang makaapil sa casts sa Forevermore.

Si Pepe gradwado sa kursong Bachelor of Music in Music Education, Voice Emphasis sa UST niadtong 2011. Nakatrabaho sab siya isip seaman. Sa usa ka cruise ship nagtrabaho siya isip waiter ug singer. Apan human sa iyang kontrata, mipauli siya og nag-apil-apil sa teyatro ug part

time nga nagtudlo. Hangtod nga sa 2013, nalambigit siya sa Rak of Aegis nga maoy nagbukas sa daghang pultahan sa oportunidad alang kaniya. Daghan ang nag- offer nga full

time siyang mag- perform isip aktor ug singer. Sa teyatro, sa children’s play nabaid ang iyang acting

talent nga gipagawas sa mga tunghaan. Nakaapil na usab siya sa PETA, Tanghalang Pilipino ug sa Rak of Aegies. Hangtod karon nagpadayon ang iyang pag-arte sa entablado.

Kon papilion siya kon unsay iyang gusto, sa teyatro ba, sa TV o pelikula, moingon lang siya nga managlahi ang ilang mga disiplina. Pero may mga panahon nga gusto niyang trabahoon ang mga proyekto sa pelikula komparar sa TV ug teyatro.

Pagka karon nag- enjoy lang siya sa paghimo og lainlaing pelikula. Gani, nalingaw man siya karon pagbasa sa mga script sa papel nga iyang dalhon nga mahimong makadugang sa pagpamituon sa iyang pagka artista. —

(Hulagway kuha ni Wilson Fernandez)

Newspapers in Cebuano

Newspapers from Philippines

© PressReader. All rights reserved.