PANAPIT SA PAGSUMITER:

Payag Habagatan Espesyal nga Isyu sa Kontemporaryong Pilipinhong Pamalak

Bisaya - - Young Blood Writer -

A ng Payag Habagatan: New Writings from the

South, usa ka countercanonical nga dyurnal sa kontemporaryong katitikan gikan sa Kabisay-an ug Mindanao, bukas karon alang sa mga tampo sa Espesyal nga Isyu sa Kontemporaryong Balak.

Ang mga editor niini nga sila si Cindy Velasquez (editor sa balak, Dan-ag Literary Journal of Central Visayas) ug Ton Daposala (editor sa balak, Bulawan Literary Journal of Northern Mindanao) nangita karon og mga balak nga Binisaya (sa pahina man ug/o sa performance). Ang mga tampo kinahanglang maggikan sa sumusubang o batan-ong mga magbabalak nga nahimugso ug/o naggikan sa habagatang bahin sa nasod.

Kining maong isyu nagsugod sa mga pangutana ug interogasyon sa pamalak atubang sa ikakawhaag usa nga siglo sa Katitikang Pilipinhon sa Binisaya ug ang suliran sa dominanteng estetika, estilo, ug porma sa balak nga ginama sa batan-ong mga magsusulat ug sa napatik sa lokal nga mga bantawan ( local platforms). Ang mga editor interesado sa mga balak nga mohibalag sa bag-ong mga asdang, mitumpag sa mga babag, ug mipusgay sa bag-o kun, sa mga pulong pa ni Resil B Mojares, “netibong yuta diin nagbarog ang magbabalak”, ug sa taas nga mga siglo sa tradisyon sa pamalak. Ug labawng mahinungdanon, ang pagpangitag mga balak nga nagtanyag sa kaugmaon niining maong genre— bag-o, matuboon, mabaldahon, ug way kalisang sa pagsulaysulay.

Ipadala ang inyong mga manuskrito nga Word ang pormat sa payaghabagatan@gmail.com lakip na ang subject heading “PH Balak Issue” sa di pa ang 1 Agosto 2018. Apili og kompletong ngan, adres sa Kabisay-an o Mindanao, numero sa selpon, ug mubong bionote sa email’s body.

Kining maong isyu mapatik isip usa ka zine ug kini ibaligya sa zine/chapbook fests ug gagmayng mga press expo sa Kabisayan ug Mindanao. Ang ganansiya bahin-bahinon sa mga magtatampo ug sa mga editor. Ang katungod sa pagpanag-iya sa mga balak magpabilin sa mga magtatampo.

Alang sa mga update, i- follow ang Payag Habagatan sa Facebook (https://facebook.com/payaghabagatan) o sa https:// payaghabagatan.ph.

Newspapers in Cebuano

Newspapers from Philippines

© PressReader. All rights reserved.