MARICAR REYES

Harmless Text Messages, Usa ka Porma sa Pagpanglimbong

Bisaya - - Sa Atong Hapin - Ni HIMAYA DAGOHOY

ANG pagpalig-on sa relasyon sa magtiayon nagkinahanglan og team effort. Kini ang nakita nila ni Maricar Reyes ug Richard Poon. Apan subo palandongon nga daghang magtiayon ang nagkabulag tungod sa third party.

Gitumbok ni Maricar sa latest blog entry niini sa RelationshipMatters.ph nga ang pagpanglimbong usahay magsugod sa morag inosente nga lihok.

Gilakbitan sa aktres ang usa ka kasinatian diin wala niya tuyoa nga makabuhat og emotional cheating.

Niya pa nga sa nangaging mga tuig, nakauyab siya apan nagkaproblema ang ilang relasyon. Sa usa ka party, usa ka common friend ang nagpaila-ila niya ngadto kang Steve (dili tinuod nga ngalan.) Niadtong gabhiona, giganahan siyang makighinabi ni Steve nga mora bag nahuwasan siya ug nahilayo sa iyang mga problema sa boyfriend.

Paglabay sa pipila ka adlaw nagpadalhanay na silag harmless messages sama sa ‘Stuck in traffic! What u doing?’, ‘Hey I just passed by your school!’, ‘Know any good restos in QC?’, ‘Bored! ‘Musta?

Matod pa sa dalaga, “I didn’t want to admit it back then, but Steve’s messages weren’t ordinary to me. May konting kilig, so I felt guilty. I’d make myself feel better by thinking, ‘I’m not doing anything wrong. Steve is just a friend.’”

Apan ang maong matang sa pasangil usa na diay ka timailhan sa emotional cheating.

Dugang pa sa aktres, “I looked forward to Steve’s messages more than my boyfriend’s.

Tungod niini, si Maricar ug Richard nagbinantayay sa ilang kaugalingon batok sa pagtaas sa lebel sa emotional attachment ngadto sa laing tawo, labi na sa committed relationship. Kay sa matag higayon nga makakaplag silag tawo nga attractive, magtug-anay sila.—

Newspapers in Cebuano

Newspapers from Philippines

© PressReader. All rights reserved.