Mata Sa Hustisya

Bisaya - - Sa Atong Hapin - Nobela ni Oliver P. Flores

(Unang Gula)

MITIKYOP na ang kangitngit. Apan morag di lamang kini mamatikdan sa siyudad diin nagkatap ang mga sugang dagitabnon sa bisan asang suok. Sa mga edipisyo, sa mga tindahan, sa mga kan-anan, sa mga balay-kahilayan— buhi kanunay ang atmospera bisag gabii na.

Sa usa ka karaang apartment nga nahimutang sa Dalan Sanciangko, way timik nga nag-inom og beer si Monsour Morales. Sa pangedaron nga trayntay singko, nagpabilin gihapon siyang ulitawo. Bus-ok ang iyang lawas, dagkog mga braso, husto sa gitason, guwapo ug moreno. Nagtan-aw siya sa balita sa telebisyon. Daghan na ang upos sa Marlboro sa ashtray sa iyang atubangan nga gipatong sa bildong center table.

Nadani ang iyang tingob nga atensiyon sa bag-ong hugna sa balita nga gibatbat sa maanyag nga news anchor.

“Usa ka chief accountant sa dakong kompaniya ang napalgang patay nga naglunang sa kaugalingong dugo sa gihigdaan niyang kama sa sulod sa kuwarto sa usa ka hotel ning siyudad. Sumala sa kapolisan nga mingresponde sa nahitabo, di pa sila makapagawas og tinong report kon naghikog ba ang biktima o gipatay. Ang biktima nailhang si Angelo Lopez…”

Mitindog si Monsour ug gipawong ang telebisyon. Sa iyang trabaho, ordinaryo na lamang alang kaniya ang maong hitabo. Bahala na ang kapolisan o ang NBI sa pagsulbad ani. Ila kining katungdanan. Mikuhag dugang usa ka botelyang gamay nga beer si Monsour sa refrigerator. Nakahurot na siyag duha ka botelyang beer. Mao kini ang iyang gihimong agianan paingon sa pagkatulog. Sa laktod, nagpaduka siya pinaagi sa pag-inom.

Milingkod pagbalik si Monsour sa sopa human ablihi sa abridor ang botelya sa beer. Mikuha siyag usa ka stick sa Marlboro ug gidagkotan sa iyang lighter nga gikan sa gawas nga hinatag sa usa niya ka higala nga nagtrabaho sa Canada. Mipabuhot siya sa aso sa sigarilyo samtang naghangad sa kisame. Gitan-aw niya ang linging aso nga gibugwak niya, nga inanay nga nawala.

Pastilan, ingon gyod ani ang kinabuhi. Gipakatawo aron mamatay, hilom siyang nakaingon.

Mitingog ang doorbell. Mitindog si Monsour ug giablihan ang pultahan. Usa ka mapahiyomong babaye— kutob sa abaga ang gitas-on sa buhok, nagpangedaron og baynte singko, husto sa gitason, nindot ang kurba sa lawas, pution ang pamanit, ug nagsul-ob og miniskirt nga nakapalutaw sa iyang kabigot— ang nagbarog sa gawas sa pultahan.

Misulod ang babaye. Gi- lock ni Monsour ang pultahan. Mikabyon dayon ang babaye sa liog ni Monsour. Ug pilit nga nagkadapat ang ilang mga ngabil. Pagkahuman, giagbayan ni Monsour ang babaye ug nagtupad silag lingkod sa taas nga sopa. Mibaiid pag-ayo ang babaye kang Monsour. Nagduwa-duwa kini sa

Newspapers in Cebuano

Newspapers from Philippines

© PressReader. All rights reserved.