Duterte padayon nga nanaktak og hiwing mga opisyal

Bisaya - - Balaod ug Kamatuoran -

SA pagsulat niini, gikataho nga duna na poy laing mga opisyal sa gobyerno nga gipanaktak ni Presidente Rodrigo Duterte gumikan kay nakahimo og kahiwian sa ilang pagpangatungdanan.

Si Presidential Spokesperson Harry Roque mihingalan sa duha ka opisyal sa kagamhanan nga gipalagpot ni Duterte sa katungdanan nga sila si Department of Justice Assistant Secretary Moslemen Macarambon Sr. ug Department of Public Works and Highways Assistant Secretary Tingagun Umpa.

Si Macarambon nahilambigit sa isyu sa smuggled nga alahas sa Ninoy Aquino International Airport, samtang si Umpa nangayo kuno og komisyon sa mga proyekto sa DPWH sa Autonomous Region in Muslim Mindanao.

Apan bisan pa sa higpit nga pagdumala ni Pres. Duterte sa iyang administrasyon, naputos gihapon siya sa mga pagsaway tungod kay “recycling” lang kuno sa iyang mga sakop ang iyang gihimo sama kang kanhi Customs Commissioner Nicanor Faeldon nga human moluwat sa katungdanan gitakli ngadto sa Office of Civil Defense.— TNB

Newspapers in Cebuano

Newspapers from Philippines

© PressReader. All rights reserved.