Mirror Of Fortune

(ANG INYONG KAPALARAN SA MAYO 30 – HUNYO 5, 2018)

Bisaya - - Mirror Of Fortune - Ni Madam Gertrudes-Lee

PISCES – (Pebrero 20 – Marso 20) – Sagopon mo ang ideya nga makapatabunok sa imong imahinasyon. Makamugna kag obra nga kawilihan sa imong mga magdadayeg. Makakaw-it sa kawili ang estilo sa imong panugid. Makahangos ka sa di kapugngang kalalim. Miyerkoles ang suwerte mong adlaw ug 4, 9, 2 ang palaran mong numero.

ARIES – (Marso 21 – Abril 20) – Niining semanaha makahagdaw kag materyal nga magamit sa imong pagpanukuduki. Molahutay ka sa imong pagbudlay. Di mo angayng lugakan ang imong pagpaningkamot. Balosan ra ang imong kahago. Makigtagay ka sa dugos sa himaya. Suwerte mong adlaw ang Huybes ug palaran mong numero ang 6, 5, 7.

TAURUS – (Abril 21 – Mayo 21) – Di ka angayng magpaapekto sa madungog mong mga tsismis. Ayaw usiki ang imong panahon sa way hinungdan nga butang. Isentro mo ang imong atensiyon sa mapuslanong buluhaton. Makahimamat kag binuhat nga imong ikarelasyon. Sabado ang suwerte mong adlaw ug 3, 9, 8 ang palaran mong numero.

GEMINI – (Mayo 22 – Hunyo 21) – Niining semanaha malikayan mo ang katalagman nga modangat unta sa imong kinabuhi. Magpasalamat ka sa Ginoo nga wala ka Niya pasagdi. Di mo na angayng malimtan ang kaakohan sa simbahan. Magpabilin kang madanihon sa kanunay. Suwerte mong adlaw ang Huybes ug palaran mong numero ang 3, 7, 2.

CANCER – (Hunyo 22 – Hulyo 22) – Itingob mo ang imong panahon sa pagpanukiduki bahin sa bag-ong pamaagi sa panguma. Kinahanglan nga mahuman na ang imong asaynment. Ipakita mo nga aduna kay katakos bahin sa liderato. Masumok kag talagsaong relasyon nga molungtad. Sabado ang suwerte mong adlaw ug 8, 4, 1 ang palaran mong numero.

CAPRICORN – (Disyembre 22 – Enero 21) – Makatigom ka nag igong kantidad nga isugod sa giplano mong negosyo. Adunay moabag kanimo sa imong mga gimbuhaton. Mogahin kag panahon sa imong kalingawan. Daghan kag magdadayeg. Magpabilin nga mainiton ang salohang romansa. Domingo ang suwerte mong adlaw ug 2, 6, 5 ang palaran mong numero.

LEO – (Hulyo 23 – Agosto 23) – Niining semanaha mosakdap sa imong panumdoman ang masadyang kagahapon. Makapahiyom ka nga maghanduraw sa imong mga nangagi. Mo- sponsor kag misa agig pasalamat sa imong kalamposan. Makakita kag binuhat nga molipay kanimo. Suwerte mong adlaw ang Biyernes ug palaran mong numero ang 6, 5, 9.

VIRGO – (Agosto 24 – Septiyembre 23) – Beripikahon mo ang impormasyon nga imong mahipos. Di ka angayng magdali-dali sa ipakanaog mong desisyon. Makabaton ka nag kalinaw sa imong kaisipan. Way makababag sa imong mga tinguha sa kinabuhi. Matagbawon ang romansa. Domingo ang suwerte mong adlaw ug 7, 3, 4 ang palaran mong numero.

LIBRA – (Septiyembre 24 – Oktubre 23) – Niining semanaha daghan ang mokuha sa imong serbisyo. Makauyon sila sa dali ug pulido mong binuhatan. Ipadayon mo ang imong maayong pagtagad sa mga kostumer aron mahimo mo silang suki. Kusog ang imong karisma. Suwerte mong adlaw ang Miyerkoles ug palaran mong numero ang 5, 1, 8.

SAGITTARIUS – (Nobiyembre 23 – Disyembre 21) – Niining semanaha magmatngon ka sa imong mga lakang aron di matakilpo. Tun-an mog maayo ang detalye sa negosasyon nga imong salmotan. Ayaw palabiha ang imong emosyon kaysa lohikal nga disposasyon. Makigdungan ka pagtungas sa himaya. Suwerte mong adlaw ang Lunes ug palaran mong numero ang 1, 9, 4.

SCORPIO – (Oktubre 24 – Nobiyembre 22) – Makadyakpat ka sa bag-o mong makuha nga kontrata. Kinahanglan nga matapos ang proyekto sa di pa moabot ang dedlayn. Magpahalipay ka sa imong mga trabahante. Mohatag kag ayuda kanila. Makapahiyom ka human sa seks. Martes ang suwerte mong adlaw ug 9, 2, 8 ang palaran mong numero.

AQUARIUS – (Enero 22 – Pebrero 19) – Niining semanaha makompleto na ang tanang gikinahanglan sa gilaraw mong proyekto. Di ka angayng mahingawa kay magauban kanimo ang panalangin sa Ginoo. Magpabilin kang mapaubsanon. Masabtan mo ang pagkablit sa kapikas. Suwerte mong adlaw ang Biyernes ug palaran mong numero ang 7, 8, ug 3.

Newspapers in Cebuano

Newspapers from Philippines

© PressReader. All rights reserved.