PAGPAMANHOD SA KAMOT UG TIIL

Bisaya - - Young Blood Writer - Ni MAR MAÑUS, JR.

KON mamanhod ang inyong kamot o tiil nga ingon sa adunay dagom nga motuslok niini ug kon kini molungtad lang og pipila ka minuto, ang hinungdan niini gumikan lang kay kini napiit o tungod ba kaha kay nagdugay kini sa usa lang ka posisyon. Dili kini angayng ikabalaka tungod kay normal lang kini ug mawala o maulian ra. Apan kon ang pagpamanhod molungtad og dugay (pananglit moabot og mga unom ba ka oras) angay na kining ipakonsulta sa doktor aron masayran ang hinungdan kay dili na kini normal.

Ang pagpamanhod sa inyong tiil ug kamot nga molungtad na og dugay diin makamatikod sab gani kamo nga mamugnaw ang inyong kamot ug tiil, bation mog pangapoy ug pagpamuypoy sa muscle, lagmit nga kulang kamo sa bitamina sama sa vitamin B5, B6, B12, vitamin A ug vitamin D.

Kalabot niining pagpamanhod sa tiil ug kamot, may posibilidad usab nga symptom kini sa diabetes. Ug ang labing maayo gyod nga buhaton niadtong mga nakasinati o pirmeng nakasinati niining pagpamanhod sa tiil ug kamot mao gayod ang pagpakonsulta sa doktor.—

Newspapers in Cebuano

Newspapers from Philippines

© PressReader. All rights reserved.