87 ka OFW sa Kuwait nakauli na sa Pilipinas

Bisaya - - Young Blood Writer -

KANIADTONG Mayo 12 adunay 87 ka Overseas Filipino Workers (OFW) sa Kuwait nga nakauli na sa Pilipinas human nga napirmahan ang usa ka ‘memorandum of understanding’ tali sa naasoyng duha ka nasod alang sa proteksiyon sa mga Pinoy nga nanrabaho sa Kuwait.

Ikaduha kining batch sa mga OFW sa Kuwait nga nakabalik na sa Pilipinas sa pagkatapos sa amnestiya nga gipatuman sa Kuwait kaniadtong Abril 22 nga nakasinati og wala pagkasinabtanay gumikan sa gipahigayon nga ‘rescue operation’.

Miingon si Presidential Spokesperson Harry Roque, sa press briefing sa Ninoy Aquino International Airport (NAIA) nga daghan pang ‘undocumented OFWs’ nga gikatakdang makauli sa Pilipinas ug gani ang gobyerno pa man kuno sa Kuwait ang moabaga sa pamilete sa nahisgotang mga OFW.

Nagtuo si Roque nga mahibalik na sa normal ang relasyon sa Pilipinas ug Kuwait human nga napirmahan na ang MOU.

Ang mga OFW gipanghatagan sa Department of Foreign Affairs (DFA) og tag-P5,000 nga financial assistance, ug laing P5,000 sa Department of Labor and Employment (DOLE). Ug gikatakda nga mohatag pod og P20,000 livelihood assistance ang Overseas Workers Welfare Administration (OWWA).— TNB

Newspapers in Cebuano

Newspapers from Philippines

© PressReader. All rights reserved.