“GOYO” PELIKULANG PAULO AVELINO NI

IPASALIDA NA

Bisaya - - Sa Atong Hapin -

NAGHINAM-HINAM si Paulo Avelino nga hapit na ipasalida sa mga sinehanang “Goyo” nga halos tulo ka tuig nilang gigama. Sa maong pelikula, gidala ni Paolo ang papel ni Heneral Gregorio del Pilar, ang labing batan-ong heneral nga nakigbisog alang sa kagawasan sa mga Pilipino panahon sa PhilippineAmerican War sa 1890’s.

Gipagawas na ang 2nd teaser trailer sa maong pelikula ug kini nakapokus sa perspektibo sa mga tawo nga nagpalibot kang Goyo.

Giangkon ni Paolo nga daghan siyag nahibaw-an nga mga butang sa karakter ni Goyo. Gani, gilakbitan niya ang ubang mga esena nga sukwahi sa nahibaw-an sa kadaghanan.

Naobserbahan ni Paolo nga si Goyo dunay pagka heartthrob sa iyang panahon. Kay dunay mga suwat si Goyo ngadto sa mga babaye ingon man usab mga suwat alang niya gikan sa nagkalainlaing babaye nga nagselos.

Sa fans ni Paolo, huwat-huwat lang. Ang “Goyo: Ang Batang Heneral” mahimo nang matan-aw sa mga sinehan sa Septiyembre 5, 2018.—

Newspapers in Cebuano

Newspapers from Philippines

© PressReader. All rights reserved.