“DARNA” NI LIZA SOBERANO MAKIGKOMPETENSIYA SA MMFF?

Bisaya - - SHOWBITZSIKA -

USA ka lig-on nga kakompetensiya sa ipahigayon nga Metro Manila Film Festival 2018 ang “Darna” ni Liza Soberano.

Kini ang fearless forecast sa mga movie reviewer dihang gihugunhugon nga usa ka potensiyal nga salmot sa tinuig nga festival ang remake sa original Pinoy superhero. Ang maong pelikula dugay nang gikahinaman nga mahuman ug nabaniog nga dunay 200 milyones nga badyet.

Apan atong nasayran nga nagduhaduha diay ang prodyuser sa pelikula nga iapil kini sa MMFF. Gani, gibutyag man sa direktor niini nga si Erik Matti nga daghan pa silag himoon nga shooting usa kini mahuman. Hinuon, giangkon sa direktor nga nagsugod na sila pag- shooting apan nalangay kay nag-agad sila sa schedule ni Liza nga busy usab sa on-going primetime series niini nga “Bagani.”

Dugang niini, mitug-an si Direk Eric nga nag- undergo pa og training sa mga action scene si Liza apil na ang mga kauban nga cast sa pelikula.

“Ang dami pa kasi talagang preparations eh. Ang set na itatayo, the costumes, ang dami. We probably shoot later this year,” matod pa sa director.

Dili makaseguro si Erik Matti nga makaapil sila sa MMFF kay ang deadline sa submission sa Septiyembre 21, 2018 na. Apan lig-on ang iyang pagtuo nga ang storyline sa pelikula igo na nga makigkompetensiya sa Hollywood movie nga “Avengers.”—

Newspapers in Cebuano

Newspapers from Philippines

© PressReader. All rights reserved.