R750 minimum wage gitinguha sa Makabayan

Bisaya - - SHOWBITZSIKA -

NADUSO na sa Makabayan bloc sa Kamara ang balaorong nagtinguha nga himoong P750 ang minimum wage sa tanang mga kawani sa pribadong sektor sa tibuok nasod. Kini gumikan sa grabe na gyod nga pagsulbong sa presyo sa mga palaliton.

Sa Metro Manila, P512 ang minimum wage apan dili na kini paigo gumikan sa epekto sa Tax Reform for Acceleration and Inclusion (TRAIN) Law hinungdan nga nanawagan na ang Makabayan kang Presidente Rodrigo Duterte nga palihokon ang Kongreso aron mahatagan og prayoridad ang nahisgotang balaoron.

Giawhag usab sa grupo ang pagpabasura sa mga probisyon sa TRAIN Law nga maoy hinungdan sa pagsulbong sa presyo sa mga palaliton karon.

Kaalayon sa Makabayan bloc sa pagduso sa House Bill 7787 ang mga lider sa Kilusang Mayo Uno (KMU), Kilusang Magbubukid ng Pilipinas (KMP) ug Kilos ng Manggagawa.—

Newspapers in Cebuano

Newspapers from Philippines

© PressReader. All rights reserved.