(ANG INYONG KAPALARAN SA HUNYO 13 – 19, 2018)

Mirror Of Fortune

Bisaya - - SHOWBITZSIKA - Ni Madam Gertrudes-Lee

PISCES – (Pebrero 20 – Marso 20)

– Makahagdaw kag impormasyon nga magamit sa imong pagpanukiduki. Di mo lung-an ang imong asaynment hangtod matapos kini. Ipadayon mo ang imong kakugi kay adunay promosyon nga naghulat. Makapiyong kas kalalim. Biyernes ang suwerte mong adlaw ug 3, 9, 5 ang palaran mong numero.

ARIES – (Marso 21 – Abril 20)

– Niining semanaha molutaw ang limbatianon mong pagbati. Daghang pabor nga imong madawat. Apan pagmatngon kay basig masulod ka lang sa laang. Ayaw paglugak sa pagsangpit sa Ginoo. Di ka pasagdan Niya. Patughan mo ang pasiplat. Suwerte mong adlaw ang Martes ug palaran mong numero ang 6, 8, ug 4.

TAURUS – (Abril 21 – Mayo 21)

– Masangkaron ang imong pagpaningkamot karon. Moasenso ang gitukod mong patigayon kay adunay magpahulam kanimog dugang puhunan. Ayaw kalimot sa pagdonar sa simbahan. Mopaundayon ka sa kagilok nga moaghat sa romansa. Lunes ang suwerte mong adlaw ug 1, 4, 7 ang palaran mong numero.

GEMINI – (Mayo 22 – Hunyo 21)

– Niining semanaha makalulinghayaw ka na human sa kasako sa imong trabaho. Motaas ang lebel sa imong perpormans. Dako ang purohan nga mapromote ka sa imong trabaho. Magmalamposon ang imong mga anak. Matagbawon ang romansa. Suwerte mong adlaw ang Domingo ug palaran mong numero ang 3, 6, ug 2.

CANCER – (Hunyo 22 – Hulyo 22)

– Makasugakod ka nang makigharong sa mga pagsulay sa kinabuhi. Tataw na ang kalamposan nga imong gipangandoy. Dunganan mo lang kini sa tumang kakugi. Madungog na ang imong gipangaliya sa Ginoo. Kusog ang imong karisma. Miyerkoles ang suwerte mong adlaw ug 9, 1, 5 ang palaran mong numero.

CAPRICORN – (Disyembre 22 – Enero 21)

– Modawat kag assignment sa simbahan. Itingob mo na ang imong panahon alang sa Diyos. Di mo lang mahibaw-an ang magsunod-sunod nga grasya nga ihatag kanimo. Dali kang makakombensir sa imong isigkaingon. Mapahiyomon ang mga gutling. Sabado ang suwerte mong adlaw ug 6, 2, 9 ang palaran mong numero.

LEO – (Hulyo 23 – Agosto 23)

– Niining semanaha masulbad na ang giatubang mong suliran. Adunay motabang kanimo nga wala magpaabot og balos. Motaas ang lebel sa imong kadasig. Daghan kag mahuman nga trabaho. Masum-ok kag relasyon nga magmalungtaron. Suwerte mong adlaw ang Biyernes ug palaran mong numero ang 7, 2, ug 3.

VIRGO – (Agosto 24 – Septiyembre 23)

– Makapalipay ang balita nga imong madawat. Kinahanglan nga asikasohon mo dayon ang mga dokumento alang sa imong pagbiyahe. Di mo angayng palabyon ang talagsaong tanyag. Makapasulirap ang bation mong kalalim. Sabado ang suwerte mong adlaw ug 8, 2, 7 ang palaran mong numero.

LIBRA – (Septiyembre 24 – Oktubre 23)

– Niining semanaha masipong mo ang imong mga pangagpas nga makapamatuod sa mga panghitabo. Itugyan mo na lang sa Diyos ang sangpotanan sa imong sitwasyon. Aduna kay mapaabot nga kaayohan tugbang sa imong kabuotan. Mainit ang romansa. Suwerte mong adlaw ang Lunes ug palaran mong numero ang 4, 8, 1.

SAGITTARIUS – (Nobiyembre 23 – Disyembre 21)

– Niining semanaha mawili ka sa talagsaong kasinatian. Madugangan ang pagsalig mo sa imong kaugalingon. Mahimong tabunokon ang imong imahinasyon. Matapos na ang gigambalay mong proyekto. Di mo malimtan ang gisalohang romansa. Suwerte mong adlaw ang Huybes ug palaran mong numero ang 5, 7, ug 8.

SCORPIO – (Oktubre 24 – Nobiyembre 22)

– Makapakombensir ang konsepto nga imong ihat-ad. Dako kinig ikatabang alang sa kalamboan sa inyong komunidad. Di ka makabalibad nga ituboy kang lider sa giapilan mong asosasyon. Modungan ka paghangos sa pagtungas sa himaya. Martes ang suwerte mong adlaw ug 2, 4, 3 ang palaran mong numero.

AQUARIUS – (Enero 22 – Pebrero 19)

– Niining semanaha makabaton kag positibong panlantaw sa kinabuhi. Dili ihikaw sa Ginoo ang imong gipangayo. Magpadayon ka sa imong pagserbisyo sa simbahan. Way makapugong sa imong pagasenso. Magmalungtaron ang katam-is sa relasyon. Suwerte mong adlaw ang Domingo ug palaran mong numero ang 3, 5, 7.

Newspapers in Cebuano

Newspapers from Philippines

© PressReader. All rights reserved.