Kahayag

Bisaya - - Balak sa Semana -

Bugtong kong hayag (Wa koy pilosopiya) Mga mata ko.

May bagyo o wa Di wad-an og kahayag— Ang akong dapit.

Adlaw sa langit Lamdag sa akong dalan— Matag pangayam.

Lasang nangamay Ang kalanggaman sibaw— Paglagsik nako.

“Kay ikaw bata Sa Dakong Magbubuhat—” Moy ilang awit.

Dawat sa naa Uyon sa iyang Buot— Relihiyon ko.

Langgam aslon ko Daghan ang naglupad— Di ko magutman.

Ang tinuod god Espiritu man ako— Lawas bistedo.

Ako maminaw Sa sulti ni Si Ako Diwa sa diwa.

Kanang matuod Bisan ang kahibalo Naghapay-hapay.

Jun Cañizares? Wala ko makaila— Gawas sa bunyag.

JUN CAÑIZARES Dakbayan sa Quezon

Newspapers in Cebuano

Newspapers from Philippines

© PressReader. All rights reserved.