DASHLEY MARIE CSEREPES

Bag- ong Bituon Nga Nagpangidlap

Bisaya - - Pangunahing Pahina - NI MERIAM GUMANID LAMBERTE

LAPYO, maanyag, talentado— kini ang mga hiyas nga gihuptan sa atong modelo ning gulaa nga hinay- hinayng midala kaniya sa magilakong dalan sa Philippine show business. Daghan ang moingon nga may- ong kuno ang iyang panagway sa sikat nga actress nga si Liza Soberano. Hinuon, kon imong tutokan, daw aduna gayod kini kamatuoran. Lagmit managsama ang ilang kaanyag sanglit pareho man sila nga adunay langyaw nga dugo.

Ang 7- anyos nga si Dashliey Marie Cserepes nagsugod sa pag- apil og nagkadaiyang fashion show sa kaulohan sama sa The Glitz Fashion Show, In House Models, The Fashion Force Modeling, Fabie and Classics ug Stars Runway.

Sa linghod nga pangedaron sa akong pagumangkon, hanas na kaayo siya sa pagkiay ug pagpaso atubangan sa liboan ka mga tawo, butang nga wala namo damha sanglit labihan siya kamauwawon sa una.

Dili pa lang dugay, gikuha usab si Dashliey nga product endorser sa bantogang mga kompaniya sa nasod sama sa Boardwalk ug Lemon Kisses Children’s Wear. Nakuha usab siya isip Magazine Cover ug nakita sa pipila ka pasundayag sa telebisyon ug nakaangkon ug ubay- ubay nga pasidungog sa natad sa ramp modeling.

Gawas sa ala- barbie doll nga panagway ni Dashliey, may talento usab siya sa pagkanta ug pagsayaw hinungdan nga daghan ang mingtanyag nga mo- manage sa iyang karera.

“Naku, Tita, masayang- masaya po talaga ako

sa ginagawa ko ngayon”, malipayong taho sa akong pag- umangkon sa dihang nahinabi ko siya sa selpon.

Apan alang sa akong igsoon nga si Marilou, mas labing importante nga makahuman siya sa iyang pagtungha. Hinuon, taliwa sa iyang busy schedule, nalakip gihapon siya sa mga honor students sa ilang tunghaan.

Suportado usab si Dashliey sa iyang amahan nga si David, ang bana sa akong ate nga usa ka half German- Hungarian ug half Norwegian. Gani, dili pa lang dugay miuli kini sa Pilipinas gikan sa Estados Unidos aron masaksihan niya mismo ang pagrampa ni Dashliey ug sa ilang kamanghoran nga si Michelle.

Sa dagan karon sa karera ni Dashliey, daw napanlantawan ko na ang pagsidlak sa usa ka bag- ong bituon! Hinuon, Diyos ra man gayod ang nasayod sa tanan!—

(Hulagway kuha ni Wilson Fernandez)

Si Dashliey uban sa iyang manghod nga si Michelle.

Newspapers in Cebuano

Newspapers from Philippines

© PressReader. All rights reserved.