PNoy gikasohan na sa Ombudsman kalabot sa DAP

Bisaya - - Alisngaw Sa Kasilag -

SA pagsulat niini gikataho nga gikasohan na ni Ombudsman Conchita Carpio Morales si kanhi Presidente Benigno Aquino III sa kasong usurpation

of legislative powers kalabot sa kontrobersiyal nga Disbursement Acceleration Program (DAP).

Gimando ni Morales ang pagpasaka og kaso batok kang Aquino human sa motions for reconsideration nga giduso sa mga complainant nga sila si Congressmen Carlos Isagani Zarate, Renato Reyes, Benjamin Valbuena, Dante LA Jimenez, Mae Paner, Antonio Flores, Gloria Arellano ug Bonifacio Carmona, Jr. pinasikad usab sa paglapas ni Aquino sa Article 239 sa Revised Penal Code.

Ang lintunganay sa kaso mao ang anomalosong pagpagawas sa National Budget Circular (NBC) No. 541 nga nagpatuman sa DAP nga may kalabotan sa P72 bilyones nga public funds. “A re-evaluation of the case establishes that the individual actions of respondent Aquino and respondentmovant Florencio Abad showed a joint purpose and design to encroach on the powers of Congress by expanding the meaning of savings to fund programs, activities and projects under the DAP,” sumala sa Ombudsman.

Sa gipagawas nga resolusyon sa Ombudsman, giingon nga ang budget circular dili mahimong ipagawas nga walay panagsabot-sabot tali kanila ni Aquino ug Abad.

“Abad’s act of issuing NBC cannot be viewed in a vacuum. The evidence on record shows that an exchange of memoranda between (Aquino) and (Abad) precipitated its issuance. Verily, without the approval of the said memoranda by respondent Aquino, NBC would not have been issued,” base sa resolusyon. Una nang giingon sa Korte Suprema nga unconstitutional ang pipila ka bahin sa nahisgotang programa partikular na ang pundo nga naggikan sa dili lehitimong savings; pundo nga natakli ngadto sa ubang sanga sa gobyerno; ug paggamit sa unprogrammed fund nga walay sertipikasyon gikan sa national treasurer.—

Newspapers in Cebuano

Newspapers from Philippines

© PressReader. All rights reserved.