KRIS AQUINO

Gipasabot ang Obsesyon sa mga Alahas Gipasabot ang Obsesyon sa mga Alahas

Bisaya - - Showbiztsika - Ni HIMAYA DAGOHOY

NAKABANTAY ka ba nga si Kris Aquino magsulob og daghang singsing sa iyang duha ka kamot diha sa mga working shoot, sa iyang pagbiyahe sa abroad ug bisan gani og naa ra sa balay? Nailhan nga mahigugmaon sa mga alahas, si Kris kanunayng magsul-ob og labing menos unom ka singsing. Kini iyang gipasabot nga ang matag singsing nga iyang gisul-ob naghupot og espesyal nga luna sa iyang panumdoman og kasingkasing.

Ang sapphire ring sa iyang tuo nga ring finger gikan kuno sa mitaliwan niyang inahan nga si kanhi Presidente Cory Aquino. Pendant ra kini kaniadto nga iya rang gipausab.

Ang jade ring sa iyang tuo nga middle finger gikan usab sa iyang inahan. Tungod kay wala lagiy interes sa mga alahas ang iyang mga igsoong babaye, siya na lang ang gipahupot niini.

Ang ruby ring sa iyang tuo nga index finger iyang napalit isip souvenir human sa iyang pagdala sa romantic comedy film nga “Pido Dida” kauban si Rene Requiestas. Iya usab kining gipausab ug gihimong eternity ring.

Ang diamond ring regalo kuno sa Christmas 2015 gikan sa usa ka malamposong negosyante. Gihatag kini sa iyang higalang babaye aron kuno kini makahatag og proteksiyon sa iyang panglawas kay niadtong panahona kanunay motaas ang iyang blood pressure.

Ang pormag kasingkasing nga diamond eternity ring sa iyang left finger iyang pinalit isip handomanan nga nagkauban sila si Bimby sa usa ka commercial diin nagendorso sila og tambal ug vitamins. Samtang sa laing bahin, ang tiffany ring maoy iyang pang-atbang sa eternity ring. Iya kining gipalit aron paghandom kon dunay magpasakit sa iyang kasingkasing. Maoy tambag ni Kris nga kon mag- invest ka sa alahas seguroa lang nga kini sertipikado. Kay kon wala, dili nimo basta-basta mabaligya ang mahalon nga mga alahas.—

Newspapers in Cebuano

Newspapers from Philippines

© PressReader. All rights reserved.