(ANG INYONG KAPALARAN SA HULYO 11 – 17, 2018)

Bisaya - - Mirror De Fortune - Ni Madam Gertrudes-Lee

PISCES – (Pebrero 20 – Marso 20) – Niining semanaha makombensir mo na ang imong igsoon nga motrabaho sa abroad. Tabangan mo siya nga makakompleto na sa iyang mga papeles. Mohatag kag hinabang sa imong pag-umangkon nga nageskuyla. Kusog kag sex appeal. Suwerte mong adlaw ang Sabado ug palaran mong numero ang 6, 2, ug 9.

ARIES – (Marso 21 – Abril 20) – Pagbantay sa imong mga lakang kay adunay molingla kanimo. Ayaw gayod pagpadala sa mga bolada. Ipadayon ang imong adbokasiya nga mahimong duol sa simbahan ang kabatan-onan. Makahibalag kag binuhat nga ikarelasyon. Huybes ang suwerte mong adlaw ug 1, 4, 7 ang palaran mong mga numero.

TAURUS – (Abril 21 – Mayo 21) – Niining semanaha masorpresa ka sa pagbisita sa imong katagibalangay nga gikan sa abroad. Labi na kay tanyagan ka nga tabangang makatukod og negosyo. Ayaw kalimot sa pagpasalamat sa Ginoo. Padayong magmalipayon ang imong kaminyoon. Suwerte mong adlaw ang Biyernes ug palaran mong numero ang 3, 9, ug 5.

GEMINI – (Mayo 22 – Hunyo 21) – Kanunay kang magmasaligon sa imong kaugalingon. Mabaid og maayo ang imong salabotan. Masibot kang ipadayon ang imong nasugdang proyekto. Daghan ang makadayeg sa imong estilo. Malalangon ang imong imahinasyon. Dugosnon ang romansa. Lunes ang suwerte mong adlaw ug 6, 8, 4 ang palaran mong numero.

CANCER – (Hunyo 22 – Hulyo 22) – Niining semanaha mosanag ang imong kaugmaon. Daygon ka sa nahimo mong maayong binuhatan. Aduna kay bag-ong ideya nga hugopan sa kadaghanan. Dako ang purohan nga ituboy kang lider sa inyong lugar. Kusog ang imong karisma. Suwerte mong adlaw ang Sabado ug palaran mong numero ang 3, 6, 2.

CAPRICORN – (Disyembre 22 – Enero 21) – Niining semanaha mahimong masangkaron ang imong pagpaningkamot. Mamatikdan ang imong lahing kakugi. Ayaw paglugak sa imong pag-ampo kay kini dunggon sa Kahitas-an. Madasigon ka kanunay. Masum-ok kag talagsaong abentura sa gugma. Suwerte mong adlaw ang Domingo ug palaran mong numero ang 5, 7, ug 8.

LEO – (Hulyo 23 – Agosto 23) – Magmalamposon ka sa dugay na nimong gitinguha. Dako kag ikatabang nga mabalik ang kalinaw ug kahapsay sa pamilya. Magmabugnawon ka bisan sa daghang problema. Sagopon ang ipresentar nimong opinyon. Matuhog mo ang mensahe sa pahiyom. Lunes ang suwerte mong adlaw ug 9, 1, 5 ang palaran mong numero.

VIRGO – (Agosto 24 – Septiyembre 23) – Niining semanaha molutaw ang limbatianon mong pagbati. Mainampingon kang mopadayag sa imong panahom. Pilion mong magpakahilom kaysa makiglantugi sa butang nga di mapuslanon. Pahinuntan mo ang kagustohan sa imong kapikas. Suwerte mong adlaw ang Martes ug palaran mong numero ang 7, 2, ug 3.

LIBRA – (Septiyembre 24 – Oktubre 23) – Matapos na ang daghan mong alingahong trabaho. Dugangi pa ang imong kakugi kay may nagpaabot nga promosyon alang kanimo. Makalingkawas ka na unya sa kalisod. Paminawa ang tambag sa imong inahan. Di ka kabalibad sa agni sa pasiplat. Huybes ang suwerte mong adlaw ug 8, 3, 7 ang palaran mong numero.

SAGITTARIUS – (Nobiyembre 23 – Disyembre 21) – Makapresentar kag konsepto nga makapalambo sa inyong komunidad. Matulun-anon ang tambongan mong seminar. Ipaambit mo sa uban ang imong mga nakat-onan. Di ka makabalibad sa mohangyo kanimog hinabang. Matagbawon ang salohang romansa. Biyernes ang suwerte mong adlaw ug 2, 4, 3 ang palaran mong numero.

SCORPIO – (Oktubre 24 – Nobiyembre 22) – Niining semanaha adunay motanyag kanimo nga lisod balibaran. Apan tun-an mog maayo ang detalye sa ipresentar diha kanimo. Huligpotan mo ang imong kinitaan agig pangandam sa umaabot. Eksayting ang imong love affair. Suwerte mong adlaw ang Miyerkoles ug palaran mong numero ang 4, 8, 1.

AQUARIUS – (Enero 22 – Pebrero 19) – Makakita kag paagi nga makab-ot ang imong ambisyon. Di ka pasagdan sa Ginoo kon dupot ka sa imong pagpanglimbasog. Ayaw paghunong sa imong madasigong tinguha. Mogahin kag panahon sa simbahan. Ikapahungaw na ang imong pagbati. Martes ang suwerte mong adlaw ug 3, 5, 7 ang palaran mong numero.

Newspapers in Cebuano

Newspapers from Philippines

© PressReader. All rights reserved.