JAPAN

SA ASIAN GAMES PROSTITUTION SCANDAL, WALO NA LAY PLAYERS SA

Bisaya - - Showbiztsika - Ni TIM C. MORRIS

“A day after our arrival here the Chef de Mission and other top officials told the athletes that they had to be role models in Jakarta. It’s disappointing that after that instruction and encouragement, this kind of issue happened. We deeply apologise to the Japanese people as the head of the delegation.”

-- Japanese Olympic Committee

UPAT ka basketbolista sa Japan’s men’s basketball team ang gipapauli sa ilang nasod ug gi- disqualify sa Asian Games sa Jakarta, Indonesia tungod kay nahilambigit sa usa ka dakong eskandalo.

Imbes nga mopokus sa ilang mga pagpangandam alang sa mosunod pa nilang mga sangka kontra sa ubang nasod, ang upat didto na man hinuon “nagpalami-lami” sulod sa usa ka hotel kauban ang upat ka babaye nga ila ra pong gikaila sa Jakarta.

Si Yasuhiro Yamashita, delegation head sa Japan Team, sa usa ka news conference mibutyag nga human niadtong ilang pagdaog batok sa mga basketbolista sa Qatar, ang upat niya ka players hilom nga mingbiya sa athletes’ quarter ug nga kuno may plano ra nga mokaon sa gawas. Sulod sa usa ka restaurant, adunay miduol sa upat nga gituohang usa ka ‘bugaw’ ug maoy misugid kanila mahitungod sa usa ka night club kun bar diin puyde silang makakuhag babaye ( prostitutes).

Ang upat ka maayong basketbolista sa Japan Team nga nahilambigit ning eskandalo mao sila si Takuya Hashimoto, Keita Imamura, Yuya Nagayoshi, ug

Takuma Sato.

Tinuod nga dako gayong eskandalo ang nabuhat sa upat ilabi na kay sa maong panghitabo, sulod sa restaurant ug hangtod na sa sulod sa night club, nanagsul-ob sa ilang team uniforms ang upat. Ming- check in sa hotel nga sul-ob gihapon ang ilang Japan team’s jerseys, ug nagpabilin sulod sa hotel kuyog ang upat ka babaye hangtod na nga nagbuntag pagkaugma.

Daling mikatap ang balita tungod kay ang upat ka basketbolistang Hapones nakuhaag hulagway samtang sila diha sa restaurant ug sa bar, ug napublikar sa usa ka mantalaan sa Jakarta.

Sa gipagulang pamahayag gikan sa Japanese Olympic Committee: “We have a specific disciplinary code, it’s a clear breach of the code of conduct for the Japanese delegation. The athletes should be role models of society, not only in the sporting venues but also on other occasions.” Ug awtomatik nga minghukom ang kadagkoan sa delegasyon sa Japan nga wagtangon na ang akreditasyon sa upat nila ka basketbolista ug dayon nilang gipapauli na lang. Bahala nag walo na lang ka player ang mahabilin sa ilang team.

Matod pa ni Yamashita, gitan-aw nila kining maong panghitabo isip seryoso gayod ug angay lamang hatagag dakong pagtagad ilabi na kay sa umaabot tuig 2020 ang ila ra bang lugar, ang Tokyo (Japan), maoy mo- host sa Olympics. Labing maayo nga mentras sayo pa ila nang nasanta kining dakong kaulawan nga nabuhat sa upat nila ka basketbolista.

Sa ingon, nangayo usab og pasaylo sa nahitabong dakong eskandalo sa Asian Games sa Jakarta si Yuko Mitsuya. Siya ang chairwoman sa Japan Basketball Association (JBA). Nakatuaw si Mitsuya bahin sa naasoyng insidente, “This is very disgraceful!”.

Ug siya midugang pagpahayag atol sa emergency news conference, “As athletes representing Japan their actions were unspeakable, and there is no excuse for their indiscretion. We do not have all the details yet, but we will conduct interviews with the players involved and report later about how they will be punished.”

Ang upat ka basketbolistang gipalagpot namauli nga wala hatagig pamilete gikan sa komiti. “The players flew back home at their own expense,” maoy sugid ni Delegation Head Yasuhiro Yamashita atol sa news conference. “The remaining eight players, officials and coaches, will stay here to continue to play for the rest of the competition.”

Kahinumdoman nga duha ka higayon nang nakamugnag kaulawan ang nasod sa Japan sa mga gipahigayon nga Asian Games sa kalibotan. Niadtong 2014 Asian Games sa Incheon, pinaagi sa CCTV camera, ang Japanese swimmer nga si Naoya Tomita hisakpan nga nangawat og mga gamit alang sa video coverages sa mga journalist. Gipamulta siya sa South Korean court ug gi- ban sulod sa 18 ka bulan isip membro sa Japanese swimming federation.

Sa pagsulat niini, gikatakda nga makigsangka ang Japan basketball team nga aduna na lay walo ka nahibiling players batok sa mga basketbolista sa Hong Kong.—

“It is important for athletes to understand that they’re expected to act as role models while representing their countries.” -- Sheikh Ahmad al- Fahad al- Sabah President, Olympic Council of Asia

Mi-lay Mi l up ang usa sa mga ‘saligando’ ‘ li d ’ sa Japan Team, si Takuya Hashimoto, namuntos atol sa ilang kadaogan batok sa Qatar Team (82-71). Itaas: Si Takuma Sato mihana sa bola aron unta mo-3-point shot. Ikaduha: si Keita Imamura midrayib aron mo-undergoal shot. Ubos: ang Japan men’s basketball team. (Mga hulagway kortesiya sa AFP, Getty Images, Google, ug ni Anthony Wallace)

Newspapers in Cebuano

Newspapers from Philippines

© PressReader. All rights reserved.