(ANG INYONG KAPALARAN SA SEPTIYEMBRE 26 – OKTUBRE 2, 2018)

Bisaya - - Showbiztsika - Ni Madam Gertrudes-Lee

PISCES – (Pebrero 20 – Marso 20) – Niining semanaha makapupo kag maayong pagtulunan sa tambongan mong seminar. Ipaambit mo sa uban ang imong nakat-onan. Makabaton kag kalinaw sa hunahuna human ka magbasol sa imong mga sala. Dugosnon ang romansa. Suwerte mong adlaw ang Martes ug palaran mong numero ang 3, 5, ug 8.

ARIES – (Marso 21 – Abril 20) – Makahatag kanimog inspirasyon ang kadaogan sa imong higala. Way imposible sa dupot nga paningkamot. Makadawat kag grasya basta kanunay kang mosangpit sa Ginoo. Magmalaomon ka kanunay. Tugob sa kalalim ang dalit sa romansa. Huybes ang suwerte mong adlaw ug 6, 8, 7 ang palaran mong numero.

TAURUS – (Abril 21 – Mayo 21) – Niining semanaha makarelaks ka pinaagi sa paborito nimong esports. Agnihon mo ang kabatan-onan nga mosuportar sa komunidad. Mopahigayon kag seminar nga mapukaw ang ilang kadasig ug kasibot. Maaghaton ang imong pahiyom ug kidhat. Suwerte nimong adlaw ang Lunes ug palaran nimong numero ang 2, 7, 5.

GEMINI – (Mayo 22 – Hunyo 21) – Makadiskobre kag tinagoan nga makahatag og solusyon sa imong problema. Kinahanglan lang nga magmatngon ka kay basig maputong ang hingtungdan. Walay mahimong babag sa imong gitinguha. Makapiyong kas kalalim sa romansa. Miyerkoles ang suwerte mong adlaw ug 4, 3, 1 ang palaran mong numero.

CANCER – (Hunyo 22 – Hulyo 22) – Niining semanaha matapos na ang lisod nga trabahong gipahat kanimo. Gisukod lang ang imong katakos ug abilidad. Maghulat ka na lang sa imong promosyon. Magpasalamat ka sa Ginoo. Pahinuntan mo ang agni sa kahidlaw. Suwerte mong adlaw ang Sabado ug palaran mong numero ang 8, 6, ug 3.

CAPRICORN – (Disyembre 22 – Enero 21) – Niining semanaha mobalik ang kaabtik sa imong panglawas. Sundon mo lang ang mga pahimangno sa doktor. Likayan mo ang sobrang paghago sa imong lawas. Makab-ot mo ra ang imong gipangandoy. Mainiton ang dalit sa romansa. Suwerte mong adlaw ang Lunes ug palaran mong numero ang 3, 5, ug 7.

LEO – (Hulyo 23 – Agosto 23) – Makigsandurot ka sa kabos mong mga silingan. Mohatag kag hinabang kanila. Madugangan pa ang mga grasya nga moabot kanimo. Ayaw kalimot sa pagdonar sa simbahan. Di mo angayng tugbangan ang mga tsismis. Mainit ang romansa. Martes ang suwerte mong adlaw ug 3, 2, 1 ang palaran mong numero.

VIRGO – (Agosto 24 – Septiyembre 23) – Niining semanaha daghan ang makamatikod sa talagsaon mong gawi. Motabang ka sa imong isigkaingon bisan igo-igo ra ang imong kinitaan. Makig-ambit ka sa madawat mong grasya. Makahibalag kag binuhat nga mounong kanimo. Suwerte mong adlaw ang Lunes ug palaran mong numero ang 9, 4, 5.

LIBRA – (Septiyembre 24 – Oktubre 23) – May bag-ong abentura sa pagpanglimbasog nga imong sudlan. Masukod mo na ang imong katakos niining higayona. Kinahanglan nga di ka moatras sa mga pagsulay nga imong sagubangon. Magmalamposon ka. Makasandurot mo ang imong gikaibgan. Sabado ang suwerte mong adlaw ug 9, 6, 3 ang palaran mong numero.

SAGITTARIUS – (Nobiyembre 23 – Disyembre 21) – Matibhangan na ang kahasol sa imong hunahuna. Salig lamang sa imong kaugalingon. Magmalinawon ang imong kinabuhi human ka makadesidir nga mokuyog sa pagsangyaw sa Maayong Balita. Makalikay ka sa aghat sa tentasyon. Miyerkoles ang suwerte mong adlaw ug 2, 4, 6 ang palaran mong numero.

SCORPIO – (Oktubre 24 – Nobiyembre 22) – Niining semanaha adunay motukbil sa imong kasingkasing nga makapahipugwat sa nagpahipi mong pagbati. Kinahanglan nga hatagan mog prayoridad ang imong paningkamot. Mopakanaog kag hugot nga hukom. Moaskil ka human nga matagbaw. Suwerte mong adlaw ang Biyernes ug palaran mong numero ang 7, 3, 9.

AQUARIUS – (Enero 22 – Pebrero 19) – Masorpresa ka pagbutho sa imong igsoon gikan sa abroad. Masulbad na gayod ang imong problema kay gisaaran ka man niya nga tabangan. Makamatngon ka na sa masakit mong kasinatian. Di ka na magpaanod sa imong pagbati. Domingo ang suwerte mong adlaw ug 4, 2, 5 ang palaran mong numero.

Newspapers in Cebuano

Newspapers from Philippines

© PressReader. All rights reserved.