Diyotayng Kausaban sa MEMO sa PAMAYAD

Bisaya - - Showbiztsika -

A RON paghapsay sa sistema sa pamayad sa mga magtatampo ning Bisaya (ug sa ubang publikasyon sa Manila Bulletin) diin kasagaran nanagkatag sa lainlaing probinsiya sa Pilipinas, ang Manila Bulletin hingpit nang mipatuman sa Electronic Payment System diin ang pahinungod awtomatik nang ideposito sa tagsa-tagsa ka Bank Account ug inyong ma- withraw sa bisan asang dapit ug oras basta may ATM machine lang pinaagi sa inyong ATM card.

Tungod niini, ang Manila Bulletin miawhag sa tanang mga magtatampo sa pagbukas og Bank Account sa Land Bank of the Philippines o kaha sa Philtrust Bank ug sa pag- submit sa inyong mga bank account sa Treasury Department sa Manila Bulletin. (Ang Land Bank maoy gipili sa MB kay kini maoy labing langyab og kasangahan gawas pa nga gigamit sab kini sa kadaghanan ilabi na sa mga empleyado sa kagamhanan).

Kalabot niini, ang management mipagawas og MEMO nga nagpahibalo nga kutob na lang ning bulana (Disyembre 2012) nga miisyu ang kompaniya og tseke alang sa mga pahinungod. Sugod sa Enero 2013, wala nay giisyuhag tseke sanglit idiretso na man kini pagdeposito sa tagsa-tagsa ka mga account.

Sa mga wala pa makasumiter og account, ang inyong kobrahonon ipundo lang una ug ideposito na lang unya kini sa higayon nga aduna na moy ATM account sa dili pa molapas ang tagal nga tulo ka tuig. Ang mga nangapatik ninyong sinulat nga kapin nang tulo ka tuig wala nay kahigayonang makobra pa.— Editor

Newspapers in Cebuano

Newspapers from Philippines

© PressReader. All rights reserved.