KATHRYN BERNANDO

Nakahilak sa Box- office Success sa

Bisaya - - Showbiztsika - Ni HIMAYA DAGOHOY

“THE HOWS OF US”

KON moulan, dako gyod ang purohan nga mobunok. Kini karon ang nahitabo sa showbiz career ni Kathryn Bernardo. Mihilak man siya apan ang luha nga midagayday sa iyang mga mata, luha sa kalipay nga gidungog ang iyang mga pagampo ug padayon siyang gisabwagan og grasya sa Kahitas-an.

Sa hataas nga panahon, giulan og grasya ang dalaga sa iyang pakigpares kang Daniel Padilla. Ug karon mibunok na gyod kay nagkulit sila og bag-ong kasaysayan sa natad sa pamelikula sa Pilipinas. Ang latest movie nila ni Daniel nga “The Hows of Us” mikita og sobra sa P600 milyones dinhi sa Pilipinas sulod sa 20 ka adlaw nga gisalida kini sa kapin sa 400 ka sinehan sa tibuok kapupud-an. Kini ang unang pelikula nga gigama sa Pilipinas nga mikita og ingon kadako sa takilya.

Sa pagsulat niini, Septiyembre 17, gitaho sa Star Cinema nga ang mga sinehan nakabaligya na og tiket nga mobalor og P601,152,867.12. Gilabwan sa “The Hows of Us” ang kanhi highgrossing film ni Vice Ganda nga “Gandarrapiddo: The Revenger Squad” niadtong 2017 nga mikita og P571 milyones.

Ang P601 milyones nga kita sa “The Hows of Us” wa pa mag-apil sa kita sa tiket gikan sa international screenings, nga sa kasamtangan nag- gross og $1,723,954. Ang romance drama nga pelikula gisalida usab sa UAE, Papua New Guinea, Brunei, Malaysia, Saipan, Canada, Australia, Vietnam, Hong Kong, Thailand, United Kingdom, Italy, Spain, Denmark, Austria, ug Malta. Kon magpadayon ang paghugop sa mga fan sa maong pelikula, hayan mahimo kining worldwide box-office hit.

Gawas sa kalamposan sa iyang pelikula, giampo usab ni Kathryn nga magmalamposon ang ilang mga endorsement ni Daniel sama sa gimodelo nila karon nga Platinum Cello Karaoke.

Ug sa umaabot nga ABS-CBN Ball sa Septiyembre 29 nga tambongan sa Kapamilya stars, excited si Kathryn Bernardo nga magsul-ob ug ipakita ang glamorosa ug elegant design dress ni Designer Jun Escario. Bisan og wala pa mosuna si Daniel nga siya ang ka- date niini sa umaabot nga okasyon, giseguro niya nga si Daniel ang iyang makauban sahi sa nahitabo sa lima ka tuig nga sila mingtambong sa maong okasyon.—

Newspapers in Cebuano

Newspapers from Philippines

© PressReader. All rights reserved.