KULANG CARBO DILI MAAYO

Bisdak Magasin - - HAN-AY -

Kadaghanan

sa atong madung­gan nga kibhangan o dili mokaon og pagkaon nga puno sa carbohydrates, sama sa rice o kanon, aron dili modako, magkabalaka sa pagtumaw sa ubang sakit labina sa diabetes. Apan nasayod ka ba ang carbs gikinahanglan kaayo sa proseso sa panglawas? Nag-una kining tinubdan sa enerhiya ug kanunay nga pagka aktibo. Sumala sa MayoClinic.com, ang carbohydrates kinahanglan nga molangkob og 45 ngadto sa 65 porsiyento sa matag adlaw nga caloric intake o pagkaon. Dason sa samang tinubdan, ang sobra nga pagkuha sa carbohydrates sa pagkaon matag adlaw moresulta usab sa sakit sa lawas.

1. Hypoglycemia

Hypoglycemia o naila nga low blood sugar o low blood glucose, mahitabo kon ang glucose levels sa dugo ubos sa normal nga ang-ang. Ang hypoglycemia sagad resulta sa diabetes, apan kini usab ang moresulta kon ubos o kuwang ang carbohydrates sa lawas. Ang mga timailhan: kapoy, way kusog, gaan ang ulo, maglibog ug kanunay gutomon.

2. Ketosis

Ang pagkaon og ubos sa 130 grams sa carbohydrates matag adlaw hinungdan sa pagtumaw sa ketones, kini ang wala maayo mapuhag nga fats o tambok sa dugo. Kini nga kondisyon gitawag og ketosis, sumala sa WeightControl Information Network sa National Institute of Diabetes and Digestive and Kidney Diseases sa Estados Unidos. Kon ang lawas walay igong glucose sa enerhiya, matigom kini ug mahimong stored fats, mahimong ketones. Ang mild ketosis hinungdan sa mental fatigue, baho sa baba, pagpanglipong ug labad sa ulo, apan ang severe ketosis hinungdan sa panakit kaayo sa mga lutahan ug batok sa pantog. Ang tumong: 225 ngadto sa 325 grams sa carbohydrates ang kinahanglang ipakaon matag adlaw aron masanta ang ketosis ug ubang problema sa panglawas.

3. Weight Gain

Samtang ang low-carb diets gilambigit sa weight loss, apan ang sobra nga pagwagtang sa carbs dunay lahi nga epekto tungod sa imong pagbati nga kanunay gutomon. Usahay, mabawi nimo sa usa ka kaon ang carbs. Gidasonan kini sa daghang pagtuon.

Pagpili sa carbs

Sobrang pagkaon sa pan, potatoes, pasta, ug tam-is nga pagkaon nga puno sa carbohydrate sama sa cakes makapadako gyod. Apan dunay daghang puno sa nutrina ug dili makapadako. Ang mga prutas ug utanon taas og bitamina ug fiber ug ubos sa calories, busa labing maayo sa panglawas. Ang rice o kan-on maayo usab nga tinubdan sa carbohydrates apan dili palabihan og pagkaon sama sa unlimited rice offer sa ubang kan-anan.

Newspapers in Cebuano

Newspapers from Philippines

© PressReader. All rights reserved.