Skateboarding sikat sa Cebu

Bisdak Magasin - - TAYM AWT -

Liboan ka mga mahiligon sa skateboarding sa Sugbo nagkatapok niadtong Hunyo 21 aron pagsaulog sa International Skateboarding Day. Usa ka parada sa grupo uban sa ilang skateboard padulong sa Plaza Independencia gikan sa Kapitolyo sa Sugbo nagpakita sa pwersa halos batan-ong mga magdudula. Ang ilang parada nakakuha og atensyon sa publiko tungod sa kabaga sa ilang panon. Ang skateboarding unang gidula sa mga batan-on sa Estados Unidos niadtong 1940. Sa interview sa Bisdak Magasin, si Nyja Perez, usa sa mga lider, niingon nga ang ilang grupo nagdasig niadtong mga batan-on nga moapil sa sports aron malikay sa bisyo. Adunay miyembro nila nga nakaapil na og kompetisyon sa Manila. Tuyo sa grupo nga magpundok aron makita sa gobiyerno nga daghang batan-on ang mahiligon sa skateboarding. Usa sa ilang panawagan nga hatagan sila og dapit alang sa ilang luwas nga pagdula. Bisan kon dili pa kaayo hugot ang ilang organisasyon, apan nagkatapok gihapon pinaagi sa panawagan sa social media.

Newspapers in Cebuano

Newspapers from Philippines

© PressReader. All rights reserved.