Usa ka tuig sa Dutertismo

Bisdak Magasin - - NAGBAGANG ISYU -

KANIADTONG HUNYO 30, 2016,

nanumpa sa katungdanan si kanhi Mayor sa Dakbayan sa Davao nga si Rodrigo Roa Duterte nga ika napulo’g-unom nga Presidente sa nasod. Sa Hunyo 30, 2017 usa ka tuig na ang iyang pamunoan. Nagkalainlain ang mga komentaryo mahitungod niini. Apan nagpabilin ang iyang taas kaayo nga grado sa pag-uyon sa katawhan. Sa laing pagkasulti, nakapasar pag-ayo si Presidente Duterte sa kabubut-on sa mga Pilipinhon.

Ang l abing takdo nga pagtimbangtimbang sa iyang pamunoan mao ang komentaryo ni maglilindog Dindo Manhit nga giulohan og “Reviewing Dutertismo” nga gimantala sa Philippine Daily Inquirer sa Hunyo 26, 2017. Matod pa sa iyang sinulat:

Sa nagsingabot nga usa ka tuig sa paglingkod ni Presidente Duterte sa katungdanan, nagpabilin siyang popular. Sa miaging napulo’g duha ka bulan, ang Presidente nagmalampuson sa iyang pagladlad sa iyang liderato nga gitawag sa uban og Dutertismo taliwala sa mga hagit alang sa nasod, karaan ug bag-o. Ang katawhan nisalig sa iyang liderato, nga kanunay nagpasundayag sa iyang political will, sa iyang kasuod sa iyang mga ginsakpan, ug sa iyang gipakita nga katakos sa paglantaw sa kaayohan sa nasod.

Ang Pilipinas wala pa makabaton og lider sama kaniya sukad masukad. Ang kadaghanan sa mga Pilipinhon naghambin sa ilang dakong paglaom ug pagsalig kaniya.

PRES. RODRIGO DUTERTE

Newspapers in Cebuano

Newspapers from Philippines

© PressReader. All rights reserved.