SUKARAN SA KALIG ON SA ADMINISTRASYON NI PRESIDENTE DUTERTE:

Bisdak Magasin - - NAGBAGANG ISYU -

Ang katinuoray sa iyang pagdaog nga gikan gyod sa kabubut-on sa katawhan. Ang Pulse Asia kaniadtong Hulyo 2016 nihatag og grado nga 91 porsiyento alang sa Presidente. Sa iyang pagdawat sa kadaogan kini ang mga grado nga gisangpotan: (a) 83% ang natagbaw sa paagi sa piliay; (b) 74% ang nisalig sa gisangputan niini. Iyang gipanumpaan ug gisubay ang mga isyu nga iyang gisaysay sa kampanya: tumang pagkiggubat batok sa ginadili nga druga lakip ang iyang pagdawat sa hagit sa kagubot sa Marawi City. Bisan adunay mga higayon nga sawayon siya pag-ayo sa iyang binuhatan apan nagpabilin siyang ligon sa paglaban sa iyang baruganan. Iyang gitamdan ang pagpabilin sa iyang kasuod sa katawhan. Gipangga niya ang kasundalohan; gibisitahan ang mga samdam ug ang mga pamilya sa nangamatay; gihatagan og igong pasidungog diha sa mga medalya ug uban pa. Iyang gipasingadto ang iyang damgo alang sa nasod diha sa iyang programa pagpanday sa mga proyekto sa kadalanan ug taytayan ug sa pag-usab sa pamaagi sa pagbuhis ug labaw sa tanan, sa nawong sa gobiyerno pinaagi sa Federalismo.

Newspapers in Cebuano

Newspapers from Philippines

© PressReader. All rights reserved.