MAY DAKU NGA POTENSYAL ANG BAG-O NGA MASERATI SHALLOT

Hiligaynon - - Agrikultora -

SADTONG Marso 1, 2018, naimbitar kami nga magtambong sa isa ka Allium Festival sa uma ni Jose Madriaga sa Bantay, Ilocos Sur agod masaksihan ang katahom sang bag-o nga klase sang sibuyas nga katumbas sang ginatawag nga “Lasona” sa Ilokos kag “Tanduyong” sa Nueva Ecija. Kon kis-a ginatawag nga Sibuyas Bombay ang Lasona kag ang Tanduyong. Ang Allium naman amo ang ngalan botanical sang pamilya sang nagkalainlain nga klase sang sibuyas. Gani Allium Festival ang tawag nila sa kahiwatan.

Sobra sa 200 ka mga mangungoma kag empleado sang Department of Agriculture ang nagtambong, pareho ni Elsa V. Rafanan nga provincial coordinator sang HVCDP ukon High-Value Crop Development Program sang DA. Sa festival, ginpakita ang matahom nga kapinasahi sang Maserati shallot. Ini isa ka mestiso ukon hybrid nga Sibuyas Bombay nga gindala sadtong nagligad nga tuig sa aton pungsod sang Ramgo International Corporation nga ginapamunoan ni Pamela Ong Chan.

Madamo ang nakadayaw sa nakita nila nga unod sang Maserati Shallot sanglit dalagku kag masii nga pula ang unod. Ang ginpakita nga unod sang Maserati naghalin sa nauna nga nagtanom sini didto sa Vintar, Ilocos Norte. Ang ginpakita naman Bag-o lang gingabot nga Maserati Shallot. Ginbakal sa Ilocos sing P20 kada kilo lakip ang dahon. 15 ka puno ang nagabugat sang isa ka kilo.

Newspapers in Tagalog

Newspapers from Philippines

© PressReader. All rights reserved.