OooOOOooo

Hiligaynon - - Showbiz Tsika -

NAGHIWAT sang iya birthday si Bianca Umali sang nagligad nga March 2. 18 na sia kag masiling nga lubos na nga dalaga. Gindulotan man sia sang party sang staff and crew sang Kambal Karibal kag subong man sang iya mga kaabyanan sa showbiz. Sang Marso 17, isa naman ka bongga nga debut party ang gindulot sang GMA Artist Center, nga ginhiwat sa EDSA Shangri-La Hotel. Ginpabutyag ni Bianca nga ang biggest accomplishment niya sa kabuhi amo ang pagka independent niya. Nanuto siya nga mag-atubang sa pangabuhi nga wala sang mga ginikanan. Ang lola lang niya ang nagpadaku sa iya. Lima ka tuig lang si Bianca sang mangin-ilo ini sa iloy, nga ginsundan naman sang pagtaliwan sang iya amay bangod sa atake sa tagipusuon. Napulo ka tuig lang sia sina nga panahon gani nabilin sia sa pagtatap sang iya lola. Siling ni Bianca, kon ano man ang nadangat niya karon sa pangabuhi bangod sa mga tao nga nagapalangga sa iya. Sa bulig sang mga tao nga ini, nadangat niya ang iya nahamtangan karon nga isa ka sikat kag ginadayaw nga artista. Siling pa ni Bianca, karon nga 18 na sia, luyag niya nga labi nga manuto parte sa pangabuhi. Self improvement ang buot niya silingon. Masanag naman ang palaabuton ni Bianca sa iya karon napili nga propesyon. Masiling nga hit pirme ang mga serye nga sia ang bida kaupod sang iya ka-loveteam nga si Miguel Tanfelix. Sa matahom nga dalagan sang iya career karon, lauman na naton nga magapabilin si Bianca nga isa ka ginadayaw nga artista sa madamo pa nga mga tinuig.

Newspapers in Tagalog

Newspapers from Philippines

© PressReader. All rights reserved.