OooOOOooo

Hiligaynon - - Showbiz Tsika -

series sa “Precious Hearts Romances. Ang “Araw Gabi” napun-an sang love, mystery and suspense. Sa estorya, ang main character nga si Adrian (JM) may masalimuot nga pangabuhi. Sia ang nagadumala sa isa ka vacation resort sa isa ka isla. Bangod sa iya mga problema, nangin istrikto sia sa iya mga staff. Bisan sa iya ginhalinan nga banwa ginabilang man sia nga outcast. Isa naman ka account director si Michelle nga ginatungdan naman ni Barbie Imperial. Isa sa iya nangin proyekto amo ang Tranquita Resort sa El Paraiso nga ginadumalahan naman ni Adrian. Indi nangin maayo ang una nila nga pagkitaay sa resort. Daan na sila nga magkakilala kag nakibot pa si Mich sang mahibalan nga si Adrian gali ang tag-iya sang Tranquita Resort. Una nga pangindian ni Adrian ang pitch proposal ni Mich. Pero wala mag-ampo ang dalaga. Ginpadayon niya ang pagpangusisa sang lugar. Sa pagabot ni Mich sa isla, madamo sia sang natukiban lakip diri ang tunay nga pagkatao ni Adrian. Apang amat-amat nga naglapitay ang ila balatyagon nga nagdangop sa ila paghigugmaanay. Nahusay nila ang misteryo sa parola nga masami ara sa dalamghanon ni Mich. Natungod naman kay Barbie Imperial, biggest break niya ining mangin leading lady sa “Araw Gabi.” Sia ang ginkuha sa madamo nga nagpa-audition para sa “Araw Gabi”. Si Barbie nga 19 ka tuig ang edad kag taga-Legazpi, Albay, una nga nakita sa Pinoy Big Brother 737 housemate. Siling ni Barbie, dream gid niya nga mangin madinalag-on sa iya showbiz career gani pokus gid sia sa iya trabaho bilang artista. Handa naman sia magpa-sexy kon kinahanglan sa serye nga ini, basta lang may limitasyon naman, kag indi bastos ang resulta. Siling ni Barbie, madugay naman sia naghulat nga mahatagan sang big break pareho sini, para sa iya pamilya kag sa kaugalingon.

Ini ginkuhaan sa Lobo, Batangas, diin ginapabugal diri ang baybayon nga matinlo kag wala pa masyado nga napierde sang commercialization.

Nalakip man sa cast sang “Araw Gabi” sanday Vina Morales, Rita Avila kag Ara Mina, Raymund Bagatsing, RK Bagatsing, Jane Oineza, kag Arlene Muhlach.

GINPAHAYAG ni Jennylyn Mercado nga wala pa sila plano nga magpakasal ni Dennis Trillo bangod pareho pa sila nga busy sa ila tagsa ka career. Madamo karon sang bag-‘o nga proyekto ang tagsa sa ila. Madamo pa kuno sia luyag nga himuon sa ila kabuhi.

Isa pa, natalana naman nga ikasal karon nga tuig utod ni Dennis kag may nagahambal nga indi maayo nga magsukob sa tuig sa pagpakasal ang mag-utod. May upod kuno ini nga demalas sa pangabuhi. Nga wala naman nagapati sini si Jennylyn.

Gin-deny naman ni Jen nga nag-propose na si Dennis sa iya sang kasal sang magbasyon sila sa Balesin. Four days sila didto kaupod ang ila respective families, gani naglaom ang iban nga may natabu nga wedding proposal ukon secret wedding. Didto nag-celebrate si Dennis sang iya ika-37th birthday samtang si Jen naman nangin 32 na sang Mayo 15. Good health ang iya wish sa kaugalingon. Sia lang ang nagakayod sa ila pamilya gani bawal sa iya ang magkasakit. Single mom man si Jen, isahanon niya nga ginapadaku ang iya anak nga si Alex Jazz nga ang amay amo si Patrick Garcia.

Masaku karon si Jen sa taping sang iya serye nga The cure kaupod si Tom Rodriguez. Bisan nabudlayan pero excited naman sia. Madamo sia diri sang aksyon nga eksena kag kinahanglan pa sia maghanas bag-o himuon ang taping. Bisan si Tom madamo man sang action scenes gani indi malikawan nga mabagrisan ini kay sia mismo ang nagahimo sang aksyon nga eksena. Indi sia luyag nga maggamit sang double. Siling ni Tom enjoy sia kuno sa mga action scenes niya. Mahuyogon kuno sia sa martial arts gani nga enjoy sia sa aksyon.

Newspapers in Tagalog

Newspapers from Philippines

© PressReader. All rights reserved.