SOBRA NGA KANIWANG, MAHIMO MAGRESULTA SA DEMENTIA

Hiligaynon - - Nobela -

MAHIMO nga magresulta sang malain nga epekto sa utok ang sobra nga kaniwang sa mga tawo nga middle age, suno sa isa ka pagtuon. Natukiban sang mga mananalawsaw nga ang mga tawo nga kulang sa kabug-aton, partikular na sa mga edad nga 40-60, may 34 porsiyento nga katalagman nga ma-diagnose sa dementia, kon ikumparar sa mga tawo nga may husto nga timbang.

Indi pa maathag ang kabangdanan kon ngaa ginaangot sa dementia ang pagkakulang sa kabug-at—ukon inang mas manubo sa 20 ang body mass index (BMI)—kon ara sa middle age kag nagapadayon pa ang pagpangusisa sini, suno sa co-author sang pagtuon nga si Dr. Nawab Qizilbash, clinical epidemiologist kag head sang OXON Epidemiology, isa ka research organization sa London.

Gin-usisa sa ginhimo nga pagtuon, nga nabantala online sadtong Abril 10 sa pamantalaan nga The Lancet Diabetes & Endocrinology, ang mga datos nga nagalab-ot sa duha ka milyon ka tawo nga may edad 40 pataas sa United Kingdom.

Wala sa mga ini ang nagpositibo sa dementia sang sugdan ang pagtuon, pero naglab-ot sa 46,000 ka tawo ang na-diagnose sa dementia sa follow-up period.

“Contrary to the prevailing – but not unanimous – view, people who are overweight or obese in middle age appear not to be at higher risk of dementia in old age,” siling ni Qizilbash sa Live Science. (LiveScience/Health)

Newspapers in Tagalog

Newspapers from Philippines

© PressReader. All rights reserved.