PAG-ISAHANON, NAGAPALIP-OT SANG KABUHI

Hiligaynon - - Nobelita -

SUNO sa Numerology, one is the loneliest number, mahimo man ini nga mangin “deadliest”. Duha ka bag-o nga mga pagtuon ang nagapatunda nga ang mga tawo nga nagakabuhi nga nagaisahanon ukon nagakasubo mahimo nga ara sa seryoso nga katalagman nga mapatay sa balatian sa tagipusuon ukon iban pa nga mga kabangdanan.

Sa isa ka pagtuon, ang mga tawo nga may sakit sa korason nga nagaisahanon nga nagapangabuhi mas may posibilidad nga mapatay sangsa pareho sa ila nga may mga kaupod sa pangabuhi. Ginpakita sa isa ka report nga ang mga tawo nga may edad 60 pataas may peligro sa ginatawag nga functional decline kag kamatayon kon sila ginapabay-an nga wala sing nagatatap, nagaisahanon ukon wala sing kahambal sing masami. Ang duha ka pagtuon nga ini ginpagua online sadtong Hunyo 18 sa Archives of Internal Medicine.

“Living alone may be a risk factor for a bad outcome,” siling sang awtor sang pagtuon nga si Dr. Deepak Bhatt, director sang integrated cardiovascular intervention program sa Brigham and Women’s Hospital sa Boston. Gin-usisa sang pagtuon kon ang isa ka indibidwal nagaisahanon nga nagapangabuhi. Wala ginpamangkot sang mga manalawsaw kon ini ang ila luyag ukon napatyan sila sang kapartner ukon may ginasagod nga mga sapat. pero

Apang ginsiling man niya nga may tawo nga masinulob-on bisan nga may kaupod kag may tawo man nga indi masinulob-on bisan nga nagaisahanon.

Madamo sang kabangdanan kon ngaa ang pagpangabuhi nga nagaisahanon ukon pamatyag nga nagasahanon nagapadaku sang katalagman sa problema sa kaayong lawas kag kamatayon.

“If you had a heart attack and run out of medication and don’t fill your prescription, you will run into trouble,” siling niya. “Spouses and children can run out and get medications for you, and then you are less likely to get into trouble.”

Labi sa tanan, ang isa ka tawo nga nagaisahanon mas daku ang posiblidad nga ma-depress, siling niya.

Sa ikaduha nga report, natukiban ni Dr. Carla Peressinotto, sang University of California, San Francisco, nga ang kasubo ginaangot sa mas mataas nga peligro sang kamatayon sa panahon sang six-year follow-up period sang pagtuon. Labi sa tanan, ang kasubo ginaangot man sa functional decline.

Kon iupod, “the studies show that social isolation is associated with cardiovascular mortality in people with heart disease,” siling ni Dr. Nieca Goldberg, clinical associate professor sa department of medicine sa Leon H. Carney Division of Cardiology sa NYU Langone Medical Center kag Medical director sa Joan H. Tisch Center for Women’s Health sa New York city. (HeathDay News)

Newspapers in Tagalog

Newspapers from Philippines

© PressReader. All rights reserved.