OooOOOooo

Hiligaynon - - Showbiz Tsika -

ginahimo kundi ang maghibi sa mga eksena. Gani mahimo na nga tawgon nga drama princess si Bianca, kag drama prince naman si Miguel, indi bala? Kag ang ulihi nga nagmarka sa mga netizens nga nagasunod sa Kambal Karibal amo ang eksena diin ginhibian sing todo ni Bianca ang pagkapatay sang bestfriend niya nga si Makoy (Jeric Gonzales), tubtob sa eksena sang paglubong. Bangod sini, indi na sia luyag nga mahambal ang boyfriend nga si Diego (Miguel) tungod kasal-anan sang amay sini nga si Raymond (Marvin Agustin) ang pagkamatay ni Makoy sang ibalabag sini ang kaugalingon agod indi maluthang ang dalaga. Gani madamo ang nagdayaw sa acting ni Bianca, kag indi lang ang mga netizens ang nagdayaw sa iya kundi ang mga nagatungod bilang mga parents niya nga sanday Carmina Villarroel kag Alfred Vargas, pati na si Marvin, nga todo naman ang pagkakontrabida. Siling naman ni Bianca, nabudlayan sia magreact sa mga pagdayaw nga ini, nahuya kuno sia. Para sa iya, daw indi naman sia subong kaayo mag-arte. Apang nagpasalamat man sia sa mga nagadayaw sa iya. Nasiling lang niya sa iya kaugalingon nga ayhan natungdan niya ang role niya sing maayo. Pero kinahanglan indi pa sia mangin kampante. Dapat pa nga kaayuhon niya ang iya pag-arte. Napamangkot sia kon ginadala bala niya sa ila balay ang amo nga mga eksena, nga padayon sia nga nagaluha bisan nga tapos na ang take. Siling niya, sa taping lang sia nagahibi kag kon wala na sang crying scene, stop naman sia sa pagpatulo sang luha. Siling niya, basi makaapekto pa sa iya mga kaupod sa ila balay kon makita nila nga nagahibi sia. Indi pa mapat-od kon san-o matapos ang teleserye nila. Sa iya pagkahibalo, madamo pa kuno sila nga himuon nga mga heavy scene gani nagahanda man sia. Nagapasalamat sia sa nga televiewers nga wala ginakasum-ori sa pagsunod sang ila serye.

TUBTOB karon indi pa maathag sa mga fans nanday Bianca Umali kag Miguel Tanfelix kon ano gid ang relasyon nila, sanglit makita naman ang sobra nga ka-sweet sa ila tunga. Kon off camera, makita naman sila nga nagaholding hands. Gani madamo ang nag-pressume nga ayhan mag-sweetheart na ang duha ugaling indi pa nila officially nga maaku.

Apang si Miguel na mismo ang naghambal nga indi pa niya GF si Bianca. Indi pa kuno magsugot ang lola ni Bianca nga pangaluyagan niya si Bianca sanglit lamharon pa ini. Kasan-o lang ini nag-18 years old. Pero handa naman kuno sia maghulat. Nakahulat na gani sia, kag willing pa sia maghulat bisan daw ano ka dugay. Kon mangin GF ko sia, siyempre happy ako, sanglit indi lang panggwa ang katahom niya, kundi subong man sa sulod, siling ni Miguel.

Samtang, masadya naman sanday Bianca kag Miguel sa mataas nga rating kag positive feedback sang Kambal Karibal. Bangod sini, pila ka beses na nga na-extend ang primetime teleserye. Ginadayaw man ang acting ni Miguel, labi na ang confrontation nila ni Bianca, kag sa mga eksena nila ni Marvin Agustin.

Siling ni Miguel, happy sia nga ma-extend ang ila serye kag gina-appreciate sang mga viewers ang ila ginahimo. Indi kuno madali ang ginahimo nila sa kada eksena, kag kon maluyagan ini sang mga viewers daw nadula man ang ila kakapoy. Siling gani sang mga nagakumentar, nagapakigdungan kuno si Miguel sa acting nanday Carmina Villarroel, Alfred Vargas kag Christopher de Leon.

Newspapers in Tagalog

Newspapers from Philippines

© PressReader. All rights reserved.