INDI MAAYO NGA DISIPLINA SA MGA BATA ANG PAGBAKOL

Hiligaynon - - Salaysay -

TORONTO (Reuters) – Ang pagbakol sa mga bata mahimo nga may pangmadugay nga developmental damage kag mahimo nga magpanubo sang IQ sang bata, suno sa isa ka Canadian analysis nga nagatuyo nga tuonan ang ethical debate sang corporal punishment ukon physical nga pagsakit sa aspetong medical.

Ang konklusyon sa pagtuon, ginhanda sang Canadian Medical Association Journal, naagom matapos usisaon ang 20 ka tuig nga mga nabantala nga mga pagpanalawsaw sa isyu. Ginsiling sang mga awtor nga indi masyado ginhatagan sang igtalupangod ang medical findings kag natabunan na ang mga konsiderasyon nga ang mga ginikanan kinahanglan makaangkon sang kinamatarong nga hambalan kon paano nila disiplinahon ang ila mga anak.

Bisan indi na masyado ka talamak ang pagbakol bilang disiplina kon ikumparar sa nagligad nga 20 ka tuig, madamo pa ang padayon nga nagahimo sini kag ginabilang nga ang pagdumili sa pagbakol paglimita sa kinamatarong sang mga ginikanan.

Ang panan-aw nga ini nagaduon sa nagabag-o nga balatyagon kag kaisipan sa isyu, sa pihak sang madamo na nga natipon nga mga ebidensya nga nagapakita sang epekto sang pisikal nga silot sa bata, suno kay Joan Durant, propesor sa University of Manitoba kag isa sa mga awtor sang pagtuon.

“We’re really past the point of calling this a controversy. That’s a word that’s used and I don’t know why, because in the research there really is no controversy,” siling niya sa interbyo.

“If we had this level of consistency in findings in any other area of health, we would be acting on it. We’d be pulling out all the stops to work on the issue.”

Ginhinambit ni Durant kag sang co-author nga si Ron Ensom, lakip ang Children’s Hospital of Eastern Ontario sa Ottawa, ang research nga nagapakita nga ang physical punishment nagaresulta sa pagka-agresibo kag antisocial sang bata, kag mahimo magtuga sang cognitive impairment kag developmental difficulties.

Ginapakita sang mga pagtuon kasan-o lang nga ginaibanan sini ang grey matter sang utok nga may kaangtanan sa intelligence testing.

“What people have realized is that physical punishment doesn’t only predict aggression consistently, it also predicts internalizing kinds of difficulties, like depression and substance use,” siling ni Durant.

Newspapers in Tagalog

Newspapers from Philippines

© PressReader. All rights reserved.