JANINE GUTIERREZ

Hiligaynon - - Cover Story -

BELIB gid si Janine Gutierrez kay Alden Richards bilang artista. Maayo kuno ini makig-upod kag simple lamang kag mabuot. May dedikasyon kuno ini sa trabaho kag wala kuno ini nagareklamo bisan ano ang ipahimo sa iya sang ila director sa Victor Magtanggol nga si Direk Dominic Zapata. Good vibes kuno ini pirme, bisan tubtob mag-aga ang ila shooting nagayuhom gihapon ini. Gani excitted gid si Janine Gutierrez sa iya role sa Victor Magtanggol sanglit luas nga first time niya nga maghimo sang telefantasya, makaupod pa niya si Alden Richards.

Kis-a kuno, nag-guest naman sia sa Encantadia, pero malip-ot lang ang iya role didto bilang guest, indi pareho sini nga ayhan mas malaba ang iya papel nga tungdan. Diri tungdan niya ang papel bilang si Gwen Regalado, isa ka tour guide nga nagtrabaho sadto sa Canada. Nagalikaw kuno sia sa mga boys, tubtob nga na-meet niya si Victor Magtanggol nga nagapangita man sa iloy sini. Kag nangin mag-abyan sila. Tubtob nga main love sia sa secret character ni Victor bilang isa ka superhero. Kag sia ang maga-cover sang mga adventures sini bilang si Hammerman.

Kag napamatud-an niya nga isa ka maayo nga actor si Alden. Sa isa ka eksena nga indi naman sia kaupod, nagtan-aw lang sia sa eksena diin nagkitaay si Victor kag ang iloy sini, nakahibi sia kuno sa confrontation scene sanglit sobra kuno nga nadala ang iya emosyon sa ginpakita nga arte ni Alden kag sang iloy sini (Coney Reyes) Pareho kuno nga maayo mag-arte ang duha.

Nakayuhom naman si Janine sang pamangkuton sia kon ready na bala sia kon ma-bash sia sang mga AlDub Fans, nga indi luyag nga may iban nga leading lady si Alden. Ready na kuno sia sa mga bashers nga bisan ang ginagamit niya nga lipstick ginapahilabtan. Baratuhon kuno ang iya lipstick, kag bisan ang nunal niya (birth mark) natalupangdan pa. Dimalas kuno ang iya birthmark sa braso. Basi kuno ini ang kabangdanan sang pagbulagay sang parents ni Janine nga sanday Lotlot de Leon kag Ramon Christopher. Ginsabat man ni Janine ang basher, indi agod awayon kundi: “Kawawa naman ‘yung balat ko.” Ang supporter ni Janine ang nagkuyog sa amo nga basher nga wala naman sing mahimo, sanglit si Janine gihapon ang leading lady ni Alden sa Victor Magtanggol nga nag-pilot na sang Hulyo 30, matapos ang 24 oras. Para kay Janine, pokus lang sia sa iya career kag ang mga intriga bahin man kuno sa kabuhi sang isa ka artista. Bisan sin-o nga artista indi makalikaw sa mga intriga. Anyway, ang mga intriga kon kis-a mahimo man makabulig sa isa ka artista, sanglit exposure man nila ini kag makatib-ong man sa ila career kon masami sila ginahambalan. Samtang, smooth naman ang relasyon ni Janine kag sang iya boyfriend nga si Rayver Cruz nga nagselebrar sang birthday sini sang Hulyo 20. Isa ka simple nga “happy birthday kidlat” ang panamyaw ni Janine sa iya boyfriend. Nagtambong man si Janine sa family birthday dinner ni Rayver nga ang mga immediate family lang ang invited. Lakip sa nagtambong amo ang utod ni Rayver nga si Rodjun Cruz kag fiancée sini nga si Dianne Medina. Basta may family gathering ang mga Cruz, always present si Janine. Kapamilya na sia sang mga Cruz. Pero indi gihapon mag-aku sanday Janine kag Rayver nga officially together na sila. Siling nila, what you see is what you get. Pero indi mahuyogon si Janine mag-post sang picture nila. Si Rodjun nga utod ni Rayver ang naga-post, gani nahibal-an sang mga netizens ang nagakatabu sa tunga nanday Janine kag Rayver.

Newspapers in Tagalog

Newspapers from Philippines

© PressReader. All rights reserved.