BLACK RICE

Hiligaynon - - Salaysay -

ANG isa ka kutsara sang black rice madamo sang ginaangkon nga health promoting anthocyanin antioxidants kon ikumparar sa isa ka kutsara sang blueberries, suno sa U.S. researchers.

Suno kay Zhimin Xu sang Lousiana State University Agricultural center, ang black rice isa ka variety sang “Forbidden Rice” sa sinadto nga China nga gintago sang mga maharlika para lamang sa ila.

Ang black rice brand manggaranon sa anthocyanin antioxidants, mga sustansya nga nagabatu sa balatian sa tagipusuon, cancer kag iban pa nga sakit kag mahimo gamiton sang food manufacturers agod pabaskugon ang nutrition sang breakfast cereals, beverages, cakes, cookies kag iban pa nga mga pagkaon, suno kay Xu.

“Black rice brand would be a unique and economical material to increase consumption of health promoting antioxidants,” suno kay Xu.

Gintun-an ni Xu kag sang iya mga kaupod ang sampol sang black rice gikan sa bugas nga gin-ani sa southern United States kag natukiban nga nagaangkon ini sing mas mataas nga anthocyanins antioxidants, ang water soluble antioxidants. Ang black rice brand pwede nga mas masustansya pa sangsa brown rice brand, suno kay Xu.

Ang black rice may itom nga kolor kag nangin masili nga ube kon ini naluto na ukon kan-on. Ini may mataas nga mineral contents kag subong sang iban nga bugas may amino acids ini. Ang findings ginprisintar sa 240th national meeting sang American Chemical Society sa Boston. (UPI)

Newspapers in Tagalog

Newspapers from Philippines

© PressReader. All rights reserved.