ERICH GONZALES

Hiligaynon - - Cover Story -

HAPPY si Erich Gonzales nga ang iya pelikula nga sia man ang nag-produce, ang We Will Not Die Tonight, nalakip sa 2nd Pista ng Pelikulang Pilipino kag nangin opening film sa New York Asian Film Festival.

Nanugon man ang akres nga wala sia makaupod sa pagbukas sang pelikula sa New York bangod busy sia sa taping sang iya serye nga The Blood Sister. Pero happy naman sia sanglit matahom ang feedback sang pelikula nila.

Una ini nga kahigayunan nga naghimo si Erich sang action movie. Ginpahayag niya nga bilang artista, indi niya luyag nga limitahan ang iya kaugalingon. Luyag niya nga makahimo sang nagkalain-lain nga pelikula, lain-lain nga mga role. Isa gid man ka versatile actress si Erich.

Siling niya, maluyagan gid sang mga tumalan-aw ang ila pelikula nga We Will Not Die Tonight, sanglit ini isa ka suspense, thriller kag action. Bisan makabig nga brutal ini, pero makatandog sang balatyagon kag nagakatabu sa matuod nga kabuhi. Ini nahanungod sa survival, kon ano ang himuon mo kon ara ka sa sitwasyon nga nalibutan sang katalagman, kag kinahanglan nga magbatu ka agod mabuhi. Eversince, luyag niya nga makahimo sang pelikula nga out of the box kag ini nga pelikula perfect kuno para sa iya. Gani sia pa ang nagsiling kay Direk Richard (Somes) nga she will take risk para sa pelikula nga ini, kag diri niya matilawan kon tubtob diin ang iya limit. Indi hamak nga kabudlay ang naagyan diri ni Erich sa mga maaksyon nga eksena, sanglit sia mismo ang nagahimo sini kag indi sia luyag nga may ka-double. Duha ka beses pa gani sia nga nakuryente sa elevator scene. Ang iya pa direktor ang ginakulbaan sa mga ginahimo niya. Buhis-buhay gid man ang mga ginahimo niya diri. Pero lahog niya sa iya, direktor, we will not die tonight. Namatud-an na ni Eric ang iya versatility bilang actress sa serye niya nga The Blood Sisters diin tatlo ka karakter ang iya ginatungdan. Bisan sia, natingala man kon paano niya natungdan ining tatlo ka karakter. Siling niya, ang tampad nga pagtuo niya sa Diyos ang nagapaisog sa iya agod atubangon ang ano man nga hangkat sa iya matag-adlaw nga pagkabuhi. Ginatungdan diri ni Erich ang papel bilang si Erika nga isa ka sumalaot sa klab sa Davao City agod may pangbayad sa hospital diin naka-confine ang anak kag ang abyan nga si Bruce (Ogie Diaz). May natabu nga patyanay sa klab kag si Erika ang ginbutangbotangan sanglit sia ang ulihi nga kaupod sang lalaki nga may dala nga listahan sang mga miembro sang sindikato nga luyag kidnapon sang grupo ni Greg Solomon (Ian de Leon). Ginpapangita gilayon ni Greg si Erika agod makuha ang notebook nga ang laom niya si Erika ang nakakuha kag patyon na lang ang dalaga agod wala sang testigo. Suspense, indi bala? Daw natoka na subong si Erich sa maaksyon nga mga palaguaon indi lang sa telebisyon kundi subong man sa pelikula. Siling niya, luyag lamang niya tilawan ang iya kaugalingon bilang artista kon kutob diin gid ang iya masarangan. Indi niya luyag nga mahawla na lang sa mga soap ukon heavy drama. Kinahanglan kuno bilang artista kinahanglan atubangon ang ano man nga karakter nga ginapangayo sang estorya. Gani madamo ang nakibot sa risgo nga iya ginpakita sa iya bag-o karon nga pelikula nga We Will Not Die tonight. Matan-aw ang We Will Not Die Tonight sa Agusto 15-21 sa tanan nga mga sinehan sa bug-os nga pungsod. Ini produce sang Strawdogs Studio Productions.

Newspapers in Tagalog

Newspapers from Philippines

© PressReader. All rights reserved.