KEN CHAN

Hiligaynon - - Showbiz Tsika -

PANIBAG-O nga challenge ang atubangon ni Ken Chan sa bag-o niya nga serye sa Afternoon Prime sang GMA-7, ini ang My Special Tatay. Tungdan ni Ken ang karakter ni Boyet, isa ka ulitao nga may mild intellectual disability nga mangatubang sa hangkat nga mangin amay.

Bag-o magtaping, nag-immersion si Ken kag si Direk LA Madridejos sa Independent Living Learning Center sa Mandaluyong agod obserbahan kon paano maghulag kag maghambal ang may amo nga kahimtangan sang karakter nga tungdan ni Ken.

Siling ni Ken, “Sobrang excited ako sa bagong challenge sa pagiging artista ko, at sa tingin ko, mas mahirap gampanan ang role kag karakter ni Boyet sangsa kay Joey sa Destiny Rose. Kaya aasa ako sa suporta ni Direk LA at ng writers at sobra akong thankful sa tiwala at suporta ng GMA-7. Pagbubutihin ko ito,” pangako ni Ken.

Magatungod naman nga mother ni Ken sa My Special Tatay si Lileth kag lola niya si Carmen Soriano nga pareho nga ginkalipay sang nanay kag lola ni Ken. Si Ms. Lileth gali idol sang mama ni Ken, samtang si Ms. Carmen naman idol sang iya lola.

Daku man ang pasalamat ni Ken sa pag-abot sang My Special Tatay, sanglit daku ang mabulig sang talent fee niya para sa hospital bills sang iya amay nga may stage 2 esophagus cancer nga nakaconfine na sa Cardinal Santos Medical Center. Siling ni Ken, nagsiling ang mga doktor nga daku ang paglaom nga magaayo pa ang balatian sang iya amay. Gani naga-pray sila agod magayo ang iya amay.

Sini nga Agusto na ang airing sang My Special Tatay nga magabulos sa Hindi ko Kayang Iwan Ka. Lakip man sa cast sanday Candy Pangilinan, Jillian Ward, Bruno Gabriel, Arra San Agustin, Isabelle de Leon, Teresa Loysaga, kag madamo pa nga iban.

• Agusto

Newspapers in Tagalog

Newspapers from Philippines

© PressReader. All rights reserved.