CHRISTIAN BABLES ELORA ESPAÑO

Hiligaynon - - Cover Story -

ADAMO ang nakadayaw sa nakatan-aw sang premiere night sang pelikula ni Direk Chito Rono, ang Signal Rock, nga isa sa pasakop sa pagbukas sang 2nd Pista ng Pelikulang Pilipino.

Labi nga gindayaw amo ang bida sang Signal Rock nga si Christian Bables kaupod ang iya leading lady nga si Elora Espano. Maayo kuno ang arte diri ni Christian nga nagdugang sa pagpatahom sini nga pelikula. Kon inyo matandaan, si Christian nagdaog na sang acting awards sa Die Beautiful nga ginbidahan ni Paolo Balesteros. Karon bida na sia sa Signal Rock kag direktor pa niya ang bantog nga direktor nga si Chito Rono. Kaupod diri ni Christian ang kilala man nga indie actress nga si Elora Espano.

Suno kay Christian, sang mahibalan niya nga bida na sia sa Signal rock, sobra ang iya kalipay. Daw indi kuno sia makapati nga bida na sia. Daku kuno ini nga oportunidad agod mapaayo ang iya showbiz career. Sobra nga thankful sia kag excited, labi na sang mahibal-an niya nga ang sikat pa nga direktor nga si Chito Rono ang iya direcktor. Sang mahibal-an niya nga sia ang napili ni Direk Rono nga mangin bida, sobra ang iya kalipay. Dream come true kuno ini para sa iya. Sobra ang iya pasalamat. Sa pamatyag niya, so blessed kuno sia.

Suno pa kay Christian, ginpangabudlayan nila sing todo ini nga pelikula agod magtahom. Halos 15 days sila nga straight nga nagtrabaho nga halos wala sing tulog. Pero tanan sila nalipay sa resulta sang pelikula nga gikan sa CSR Film PH Production kag distributed sang Regal Entertainment.

Suno naman kay Elora, ang papel niya diri amo si Rachel nga love interest ni Intoy. Si Rachel isa ka island girl nga nagadamgo man sang matahom nga pangabuhi para sa iya kaugalingon kag sa iya pamilya. Siling ni Elora, base kuno sa true story ining pelikula nila. Siling pa niya, first time nga nakatrabaho niya si Christian, kag nakadayaw sia sa pagkapropesyonal sini. Mamag-an kuno nga katrabaho si Christian. Gindayaw man ni Christian ang iya leading lady. Isa kuno ini ka maayo nga artista kag maayo makig-upod. Mataas kuno ang dedikasyon ni Elora sa iya trabaho. Gani lucky naman sia nga nakatrabaho niya si Elora. Matahom man ang estorya sang Signal Rock. Si Intoy (Christian) nagapuyo sa imol nga Isla nga pagpangisda lang ang ginakabuhi sang madamo nga mga pumoluyo. Sia ang nagasagod sa iya mga ginikanan samtang nagahulat sa iya utod nga si Vicky, isa ka Overseas Filipino Worker nga magpadala sang kwarta. Nagkadto si Vicky sa iban nga pungsod kag nag-asawa sang foreigner, nga isa ka praktikal nga paagi agod mabuligan ang iya pamilya nga nabilin sa Pilipinas. Bangod nagapuyo si Intoy sa isa ka naligwin nga lugar, ang pagtawag kay Vicky paagi sa mobile phone isa ka daku nga problema. Ang ultimo nga paagi agod makatawag sia kay Vicky amo ang mangita sang mataas nga lugar agod may signal. Diri sia masami sa mataas nga rock formation sang isla, diin makalab-ot ang signal sang mobile phone. Gani gintawag nga Signal Rock. Apang ang matahom nga pangabuhi nga ila ginasaligan nadula sang bulagan ni Vicky ang abusador niya nga bana. Dala ang iya anak nagpauli si Vicky. Wala sing mahimo si Intoy kundi ang magtindog bilang padre de pamilya kag desidido man sia nga buligan ang iya utod kag hinablos agod mangin maayo ang ila kahimtangan. Ang iban pa nga cast sang Signal Rock amo sanday Mara Lopez, Francis Magundayao, Daria Ramirez, Arnold Reyes, Nanding Josef, Archie Adamos, Sue Prado, JayR Versales, Keanna Reeves, Julia Chua, Kokoy de Santos, Jomari Angeles, Rubi Ruiz, Mon Confiado, Ces Quesada, Lee O’Brian, Dido dela Paz, kag iban pa.—O

Newspapers in Tagalog

Newspapers from Philippines

© PressReader. All rights reserved.