BARBIE FORTEZA

Hiligaynon - - Showbiz Tsika -

INDI manigar nga labi nga nagadamo ang mga fans kag supporter ni Barbie Forteza gani pirme nga patok ang iya teleserye. Gani nga sa mga teleserye niya, masami nga ginahatagan sang ekstensyon sang Siete agod pakumplasiran lang ang request sang mga followers niya kag advertisers nga indi anay pagtapuson ang iya serye.

Pareho lang sining’ nagaere karon nga Inday Will Always Love You nga sia ang bida. Extended na naman. Nagsulod na sa Season 2 ang hit rom-com series nga ini sang GMA-7. Gani amo na lang ang pasalamat sang cast sang IWALY. Siling ni Gladys Reyes, nakamarka na kuno sa mga televiewers ang ila mga karakter. Bisan diin kuno sia magkadto, Amanda ang tawag sa iya. (Amanda ang ngalan sang iya karakter sa IWALY). Nagapasalamat man sia nga bisan kontrabida ang role niya, wala man nagakaakig sa iya mga tao.

“Salamat sa suporta sang televiewers sa IWALY. Wala kami naga-expect nga makalab-ot kami sa Season 2 sanglit one season lang ang peg namon sa show,” siling naman sang bida nga si Barbie Forteza. “Makalilipay nga mahibal-an nga bisan ang mga bata nagatan-aw sa amon show.

Thankful man ang beterano nga actor nga si Ricky Davao. Makalilipay kuno basahon ang feedback sang mga televiewers. Bisan may drama, may comedy dayon nga pangbawi gani wala sila mastress.

Masulod naman sa Season 2 bilang guests sanday Jean Garcia, sa role ni Florence nga ex-girlfriend ni Philip (Ricky). Makalilingaw ang pag- atubangay nila ni Gladys sanglit magaaway sila. Kontrabida kontra kontrabida. Guest man si Kyline Alcantara, ang masabad nga kaingod ni Happylou (Barbie); kag si Thea Tolentino. Masadya ini sanglit gin-ulolupod ang mga kilala nga kontrabida sa Kapuso shows. Naluyagan sang mga televiewers ang iya karakter nga si Happylou, nga pati sia naga-enjoy man. Bisan kuno nga mabudlay ang ginaagyan diri ni Happylou, nagapakaon sang baboy nga lilitsunon, kag bisan may balatian, pero wala nagakadula ang pagkamasinadyahon sini. Gani enjoy man ang mga televiewers. Siling ni Barbie, very light ang ila serye, positive vibes, kag ini ang kabangdanan kon ngaa ginasundan sang mga fans ang iya mga serye. Nakatukib sang bagay nga pormula para sa iya ang creative staff. Bisan ano nga kabudlay ang maagyan sang karakter niya, kinahanglan ipakita nga wala sia nagaampo sa mga problema. Siling gani ni Barbie, nagapakigbagay sa iya ang kalibutan. Indi lang si Happylou ang ginatumod niya, kundi ang iya man personal nga kabuhi. Sa karakter man niya sa serye ukon sa tunay nga kabuhi, amo gid man sini ang attitude ni Barbie. May deep insight sia sa bipolar nga karakter niya. Naka-relate sia sa karakter niya. Isa sa mga bankable nga artista sang GMA-7 si Barbie, pero wala sia nagahulag nga sikat. Indi sia pareho sang iban nga kon magasta abi mo kon sin-o bisan nga indi man masyado ka sikat. Very humble lang si Barbie.

Newspapers in Tagalog

Newspapers from Philippines

© PressReader. All rights reserved.