OooOOOooo

Hiligaynon - - Showbiz Tsika -

GINPABUTYAG ni Ritz Azul nga baliskad sa iya tunay nga pagkatao ang role niya sa iya karon movie nga The Hopeful Romantic. Ini ang first mainstream movie niya sa Regal.

Diri sa The Hopeful Romantic, ang karakter niya nga Veronica, isa ka gold digger, mahuyogon sa mga manggaranon, kag madamo sang likom. Tubtob nga na-meet niya si Jess nga ginatungdan naman ni Pepe Herrera, nga abi niya manggaranon. Gali kay isa lang ini ka valet sa isa ka five star hotel. Diri na nagsugod ang conflict kag masadya nga mga eksena.

Indi naman kuno ini first time nga nag-updanay sila ni Pepe. Nagkaupod naman sila sa serye nga Ang Probinsyano, kag ini naman kuno ang first mainstream movie ni Pepe. Nakakadlaw lang sia kuno sa ila bed scene, sanglit ginnerbios kuno sing husto si Pepe. Nagapalangurog kuno ang mga kamot sini. Pero sa bulig sang ila direktor nga si Toppel Lee, okay naman ang resulta sang ila bed scene. Sa matuod nga kabuhi, mahipuson kuno si Pepe bisan nga komedyante ini.

Agod maghalog kuno ang iya buot sa role nga gintungdan niya sa The Hopeful Romantic, ginpakita kuno niya sa iya parents kag mga kaabyanan ang trailer sang ila pelikula. Siling sang mga ini, diri nila nakita ang matuod nga pagkaaktres niya.

Suno pa kay Ritz, may moral lesson kuno sa movie nila, particular para sa mga karakter nila ni Pepe. Kinahanglan kuno nga mangin tampad ka, indi magpakunokuno.

Gin-aku naman ni Ritz nga may gina-date sia karon bisan nga indi pa niya luyag hinambitan ang ngalan sang guy. Sadto kuno, pokus lang sia sa iya career. Karon lang kuno sia nag-entertain sang isa ka suitor, no boyfriend kuno sia since birth, nagakadlaw nga sugid sang 24 anyos nga dalaga.

Newspapers in Tagalog

Newspapers from Philippines

© PressReader. All rights reserved.