OooOOOooo

Hiligaynon - - Showbiz Tsika -

NAGHUGYAW sa kalipay ang mga fans nanday Sharon Cuneta kag Ormoc City Mayor Richard Gomez sang pat-uron sang duha sa ila post sa Instagram nga madayon na ang movie nga magkapareha sila. Ang titulo sang movie nila amo ang Three Words To Forever nga idirek ni Cathy Garcia Molina kag makaupod man diri si Kathryn Bernardo. Daw padasigay ang shooting sini sanglit naka-schedule na nga ipagua sa Nobyembre 2018. Masaku abi si Richard Gomez nga magakandidato liwat sa pagkamayor sa Ormoc City gani indi pwede nga padugayon ang showing sang pelikula. Madamo ang nalipay nga nadayon gid man ang project nga ini. May naghunahona sadto nga basi indi na pagbatunon ni Richard ang paghimo sang movie nga ini sanglit masaku sia bilang mayor sang Ormoc City. Gani napuno sang comments ang post ni Sharon gikan sa mga fans nila ni Richard matapos makumpirmar ang balik-magkapareha sang duha sa pelikula. Labi nga nalipay ang mga fans sanglit ang ila pelikula nagdungan pa sa 30th anniversary nila as a love team. Kilala nga mahuyog magsugilanon si Sharon sa Instagram, pero this time, daw mahipos lang sia kag pulos picture lang sa storycon ang ginpost sang megastar. Nagpost lang sia agod magpasalamat nga nag-trending ang storycon. Sunod-sunod gali ang happening ni Sharon, sanglit luas sa himuon niya nga movie with Richard may i-release man sia nga album. Sa Septyembre 28, hiwaton naman sa Smart Araneta Coliseum ang concert niya nga My 40 Years.

Septyembre 19, 2018 • HILIGAYNON • 25

Newspapers in Tagalog

Newspapers from Philippines

© PressReader. All rights reserved.