HANDA NA SA FIBA WORLD ASIAN QUALIFYING

Hiligaynon - - Balitang’ Sports -

SA kabug-osan, 14 ka mga players ang ginbug-os ni coach Yeng Guiao agod mangin training pool sang PhilippineGilas team nga isalpok sa ikatlo nga window sang FIBA World Cup Asian qualifiers.

Lakip sa pool ang walo ka miembro sang grupo nga ginsalpok kag nagtapos sa ikalimang’ puwesto sa bag-o lang natapos nga 18th Asian Games—sanday Beau Belga, Raymond Almazan, Gabe Norwood sang Rain or Shine, Stanley Pringle sang Northport, Poy Erram sang Blackwater, Christian Standhardinger sang San Miguel, Asi Taulava sang NLEX kag Paul Lee sang Magnolia.

Nalakip man sa pool sanday Alex Cabagnot kag Marcio Lassifer sang San Miguel, Scottie Thompson sang Ginebra, Ian Sangalang sang Magnolia kag Allien Maliksi sang Blackwater.

Nalakip man sa pool si Phoenix guard Matthew Wright sanglit isa ka hampang lamang nga suspendido ang ginsilot sang FIBA matapos nga maumid sa gamo nga natabu sa hampang sang Gilas kag Australia sadtong nagligad nga Hulyo gani pwede ini ilakip sa line-up kontra Qatar. Lakip man sa listahan si Ginebra slotman Greg Slaughter nga nauna na nga gin-imbitahan. Apang as of press time indi pa pat-od kon malakip si Slaughter.

Ang mga napili magahampang kontra Iran sa Septyembre 13 nga hiwaton sa Tehran, kag sa Qatar sa home game nga hiwaton naman sa Araneta Coliseum sa Septyembre 17.

Samtang, liwat nga naghari ang China sa Asiad basketball sang lutoson sini sa final ang Iran sa score nga 84-72. Naangkon sang Iran ang silver medal kag bronze naman ang Korea nga nagdaog kontra Chinese Taipei sa score nga 89-81.

Newspapers in Tagalog

Newspapers from Philippines

© PressReader. All rights reserved.