NANGIN PALANGITAN-AN ANG BOUGAINVILLEA GANI MADAMO ANG NANGIN INTERESADO

Hiligaynon - - Agrikultora -

SADTONG dekada 60 kag 70, sikat sadto ang bougainvillea. Natandaan namon nga ang Mary Palmer nga may duha ka kolor sang bulak sa isa ka puno ginaagawan sang mga mahuyogon sa nagapamulak nga mga tanom. May sanga sang Mary Palmer nga pulos puti ang bulak samtang ang iban naman nga sanga puro pula naman ang bulak gani madamo ang naganyat sini.

Sa paglipas sang panahon, iban naman nga mga bag-o nga ornamental plant ang ginainteresan sang mga mahuyogon sa misetas. Dason nga ginakabuangan sadto amo ang Red Palm nga ginsundan naman sang Lasuerte ukon Aglaonama kag Euphorbia.

Karon nagbalik ang interes sa bougainvillea sang mga landscaper kag mga kolektor sang nagapamulak nga mga tanom. Sa pagkamatuod, ang “chat group” sa internet nga gin-umpisahan ni Baby Spowart may ara na nga 300,000 nga mga katapo nga indi lamang sa Pilipinas kundi sa nagkalainlain nga pungsod sang kalibutan. Kag ang kahiwatan nga ini nagahatag sang matahom nga oportunidad bilang palangitan-an. Kasan-o lang, sa Agribiz Kapihan with Zac Sarian sa Rizal Techno Park sa Taytay, Rizal, ginbalita ni Baby Spowart nga sia nagsuplay sang 5,000 nga mga bulak sang pula nga bougainvillea sa isa ka hotel sa Boracay. Mahimo nga Si Grace Belleza kag ang iya paborito nga yellow nga grafted bougainvillea.

Newspapers in Tagalog

Newspapers from Philippines

© PressReader. All rights reserved.