PART 2, MADAYON NA?

Hiligaynon - - Balitang’ Sports -

INDI hungod nga nagkitaay sanday Manny Pacquiao kag Floyd Mayweather sa Tokyo nga pareho nga nagtan-aw sa isa ka music show. Sa ila makadali nga pag-atubangay, ginhambal ni Mayweather ang Disyembre nga bulan agod liwat sila nga magatubangay ni Manny. Gani madamo ang nagapati nga ang rematch nila ni Manny ang ginatumod ni Mayweather.

Samtang kaupod ni Manny ang iya asawa nga si Jinkee kag iban pa nga close nga mga abyan, samtang nagapanihapon sila, ginsugid ni Manny ang ginhambal kuno ni Mayweather nga “I want to take that belt. I want to take that belt.”

Ginakaptan ni Pacquiao ang World Boxing Association welterweight title belt matapos nga malutos niya si Lucas Matthesse sang Argentina sang nagligad nga Hulyo sa Malaysia.

Bisan kinahanglan pa nga pirmahan anay ang mga kontrata, ginpahayag ni Mayweather sa social media matapos ang malip-ot nila nga pagtabuay, nga sila ni Pacquiao magaaway liwat sa ibabaw sang lona. Siling ni Maywather nga ipahigad anay niya ang iya retirement sa Disyembre, agod atubangon si Manny.

“Everything has a purpose,” pahayag naman ni Pacquiao. Sa matandaan pa, nalutos si Pacquiao kay Mayweather paagi sa desisyon sang mag-away sila sadtong Mayo 2015 sa Las Vegas. Apang ginpahayag ni Pacquiao nga nalutos sia sanglit may injury sia sa tuo nga abaga, nga ginpahayag naman ni Mayweather nga isa lamang ka bahol nga balibad. Apang ginpaopera gid man ni Pacquiao ang iya tuo nga abaga matapos yadtong away nila ni Mayweather. Buot silingon nga matuod gid man nga may injury sia sa abaga sang mag-away sila ni Mayweather gani indi sia lubos nga makaatake sa panguntra.

Si Mayweather kasan-o lang nagdaog batok kay MMA star Connor Macgregor sang Agusto sang nagligad nga tuig. “We are going to take the belt,” pahayag ni Mayweather sa video ni Sean Gibbons nga ara man sa Tokyo sadto nga mga tinion, “We are gonna get the payday and I don’t want no shoulder excuses,” pahayag ni Mayweather.

Pero san-o gid bala sila liwat nga maatubangay?

Newspapers in Tagalog

Newspapers from Philippines

© PressReader. All rights reserved.